ପ୍ରଧାନ ଶିକ୍ଷକଙ୍କ ହୃଦଘାତରେ ପରଲୋକ

ନାଉଗାଁ, (ଯୁଗାବ୍ଦ ନ୍ୟୁଜ) :-ନାଉଗାଁ ବ୍ଲକ ଅନ୍ତର୍ଗତ ଗାରୋଇସ୍ଥିତ ପ୍ରାଣକୃଷ୍ଣ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଜଳଧର ବିଶ୍ୱାଳ(୫୯)ଙ୍କ ହୃଦଘାତରେ ପରଲୋକ ଘଟିଛି । ଯାହାକୁ ନେଇ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି । ଶୁକ୍ରବାର ଅପରାହ୍ନ ସମୟରେ ଜଳଧର ସାର ବିଦ୍ୟାଳୟରୁ ଫେରି ଘରେ ନିଜର ସ୍କୁଲ ୟୁନିଫର୍ମ ପରିବର୍ତନ କରୁଥିବା ବେଳେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ପରିବାର ପକ୍ଷରୁ ତାଙ୍କୁ ତୁରନ୍ତ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତି କରାଯାଇଥିଲେ ମଧ୍ୟ ଡାକ୍ତର ମୃତ ଘୋଷାଣା କରିଥିଲେ । ସ୍ୱର୍ଗତ ଜଳଧର ସାର ଜଣେ ଛାତ୍ରବତ୍ସଳ ଶିକ୍ଷକ ଭାବେ ସ୍ଥାନୀୟ ଅଂଚଳରେ ପରିଚିତ ଥିଲେ । ତାଙ୍କ ବିୟୋଗରେ ବିଇଓ ମନୋରମା ରାଉତ, ଏବିଇଓ ଅକ୍ଷୟ କୁମାର ବେହେରା, ଶିକ୍ଷକ ନେତା ସୁଧିର କୁମାର ବିଶ୍ୱାଳ, ଶିକ୍ଷକ ପ୍ରଭାତ ସ୍ୱାଇଁ, ଅକ୍ଷୟ ରାଉତ, ସିଆରସିସି ଫକିର ସ୍ୱାଇଁ, ସହଦେବ ସେଠୀ, ରୁଦ୍ରପ୍ରସନ୍ନ ସ୍ୱାଇଁ, ସାରଦା ପ୍ରଶନ୍ନ ଓଝା, କାଳନ୍ଦି ବିଶ୍ୱାଳ, ବ୍ଲକ ଶିକ୍ଷକ ସଂଘର ସଦସ୍ୟଙ୍କ ସମେତ କୋରୁଅ ପଂଚାୟତର ପୂର୍ବତନ ସରପଂଚ ଅରଣ୍ୟ ନାୟକ, ସମାଜସେବୀ ସୁଶାନ୍ତ ପରିଡା ପ୍ରମୁଖ ଶୋକବ୍ୟକ୍ତ କରିଛନ୍ତି ।