ବଡ଼ଖେମୁଣ୍ଡି ଏବଂ ସାନଖେମୁଣ୍ଡି ଭଣ୍ଡାରି କୁଳ ମୁଖିଆଙ୍କ ପରଲୋକ

ଦିଗପହଣ୍ଡି,(ଅଳକ ନାଥ ମିଶ୍ର): ଗଞ୍ଜାମ ଜିଲ୍ଲା ସାନଖେମୁଣ୍ଡି ତାଲୁକା ଭଣ୍ଡାରି କୁଳ ସମାଜର ପୂର୍ବତନ ସଭାପତି ଜଗନ୍ନାଥ ଡାକୁଆ ଙ୍କ ପରଲୋକ ଘଟିଛି। ସାନଖେମୁଣ୍ଡି ବ୍ଲକ ଆମ୍ବଗାଁ ବାସିନ୍ଦା ଜଗନ୍ନାଥ  ଦୀର୍ଘ ୩୦ ବର୍ଷ ଧରି ବଡ଼ଖେମୁଣ୍ଡି ଏବଂ ସାନଖେମୁଣ୍ଡି ଭଣ୍ଡାରି କୁଳ ସମାଜର କାର୍ଯ୍ୟକର୍ତ୍ତା ଭାବେ ସୂଚାରୁ ରୂପେ ଦାୟିତ୍ଵ ତୁଲାଇଥିଲେ।ବାର୍ଦ୍ଧକ୍ୟ ଜନିତ କାରଣରୁ ସେ କିଛିଦିନ ହେଲା ଅସୁସ୍ଥ ଥିଲେ।ଶୁକ୍ରବାର ବ୍ରହ୍ମପୁର ବଡ଼ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କ ପରଲୋକ ଘଟିଛି।ମୃତ୍ୟୁ ଶଯ୍ୟା ନିକଟରେ ସ୍ତ୍ରୀ,ପୁତ୍ର ଓ କନ୍ୟା ଙ୍କ ସମେତ ପରିବାରବର୍ଗ ଉପସ୍ଥିତ ଥିଲେ।  ସାନଖେମୁଣ୍ଡି ତାଲୁକା ଭଣ୍ଡାରି କୁଳ ସମାଜର ସଭାପତି କୃଷ୍ଣ ଡାକୁଆ ଏବଂ ବଡ଼ଖେମୁଣ୍ଡି ତାଲୁକା ର ପ୍ରମୁଖ କାର୍ଯ୍ୟକର୍ତ୍ତା କୁରେଶୁ ଡାକୁଆ ତାଙ୍କ ଅମର ଆତ୍ମାର ସଦଗତି କାମନା କରିବାସହ ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି।