ବଦଳିଲେ ହାଟତିହି ତହସିଲଦାର

ହାଟଡିହି, (ବିକାଶ ବିଶ୍ୱାଳ):କେନ୍ଦୁଝର ଜିଲ୍ଲା ହାଟଡିହି ତହସିଲର ତହସିଲଦାର ହାବିଲ ଖା ଖାଙ୍କର ବଦଳି ହୋଇଛି। ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ଜାରି ହୋଇଥିବା ବିଜ୍ଞପ୍ତି ଅନୁସାରେ ହାଟଡିହି ତହସିଲର ତହସିଲଦାର ହାବିଲ ଖା ଖାଙ୍କର ସୁନ୍ଦରଗଡ଼ ଗୁରୁଣ୍ଡିଆ ବ୍ଲକର ବିଡିଓ ଭାବେ ବଦଳି ହୋଇଛନ୍ତି। ତାଙ୍କ ସ୍ଥାନରେ ଅନ୍ୟ କାହାକୁ ହାଟଡିହି ତହସିଲଦାର ଭାବେ ନିଯୁକ୍ତି ଦିଆଯାଇ ନାହିଁ। ହାଟଡିହି ତହସିଲଟି ଜିଲ୍ଲାର ସର୍ବବୃହତ ତହସିଲ ଭାବେ ପରିଗଣିତ ହେଉଥିବା ବେଳେ ଏଠାରେ ଅତିରିକ୍ତ ତହସିଲଦାର ପଦବୀ ଖାଲି ପଡିଛି। ଏଠାରେ ପୂର୍ବରୁ ଥିବା ଅତିରିକ୍ତ ତହସିଲଦାର ରଶ୍ମୀ ରଞ୍ଜନ ଦାସଙ୍କ ବଦଳି ପରେ ବର୍ଷେରୁ ଉର୍ଦ୍ଧ ସମୟ ଧରି ପଦବୀଟି ଖାଲି ପଡ଼ିଥିବାରୁ ତହସିଲରେ ଅନେକ ସମୟରେ ଅଚଳାବସ୍ଥା ଦେଖା ଦେଉଛି। ତେଣୁ ଏଭଳି ପରିସ୍ଥିତରେ ବର୍ତମାନ ତହସିଲଦାରଙ୍କ ବଦଳି ଅଞ୍ଚଳବାସୀଙ୍କ ପାଇଁ ଅନେକ ସମସ୍ୟା ସୃଷ୍ଟି କରିବ। ତେଣୁ ପ୍ରଶାସନ ଏଠାରେ ଜଣେ ସ୍ଥାୟୀ ତହସିଲଦାର ଓ ଜଣେ ଅତିରିକ୍ତ ତହସିଲଦାରଙ୍କୁ ନିଯୁକ୍ତି ଦେବାକୁ ବୁଦ୍ଧିଜିବୀ ମହଲରେ ଦାବି ହେଉଛି।