ବଦଳି ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀଙ୍କୁ ବିଦାୟୀ ସମ୍ବର୍ଦ୍ଧନା

ବନ୍ତ, (ଚାନ୍ଦିନୀ ମହାନ୍ତି):ଭଦ୍ରକ ଜିଲାପାଳଙ୍କ ଅନୁମୋଦନ କ୍ରମେ ଜିଲାର ୭ ବ୍ଲକର ୨୮ ଜଣ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀଙ୍କ କାର୍ଯ୍ୟରତ ବ୍ଲକରୁ ଅନ୍ୟ ବ୍ଲକକୁ ବଦଳି ହୋଇଛି । ସେଥିମଧ୍ୟରେ ବନ୍ତ ବ୍ଲକରୁ ୫ ଜଣ କାର୍ଯ୍ୟ ନିର୍ବାହୀ ଅଧିକାରୀଙ୍କର ଅନ୍ୟ ବ୍ଲକକୁ ବଦଳି ହୋଇଛି । ଏହାମଧ୍ୟରେ ବଦଳି ହୋଇଥିବା ୫ ଜଣ ପିଇଓ ବନ୍ତ ବ୍ଲକରୁ ରିଲିଭ ହୋଇ ସାରିଛନ୍ତି । ଏପରପେକ୍ଷୀରେ ଆଜି ବ୍ଲକ ପ୍ରଶାସନ ପକ୍ଷରୁ ପିିଇଓ ମାନଙ୍କୁ ବିଦାୟୀ ସମ୍ବର୍ଦ୍ଧନା ପ୍ରଦାନ କରାଯାଇଛି । ବ୍ଲକ ସମ୍ମିଳନୀ କକ୍ଷରେ ବିଡିଓ ପ୍ରଦୀପ କୁମାର ସେଠୀଙ୍କ ପୌରହିତ୍ୟରେ ଅନୁଷ୍ଠିତ କାର୍ଯ୍ୟକ୍ର୍ରମରେ ବ୍ଲକ ଅଧ୍ୟକ୍ଷ ମନୋରଞ୍ଜନ ଘଡେଇ, ଏବିଡିଓ ନିଶିକାନ୍ତ ଖୁଣ୍ଟିଆ, ସହକାରୀ କାର୍ଯ୍ୟ ନିର୍ବାହୀ ଯନ୍ତ୍ରୀ ଶ୍ରଦ୍ଧା ସୁମନ ନାଥଙ୍କ ସମେତ ଅଧିକାରୀ ମାନେ ଯୋଗ ଦେଇ ବ୍ଲକର ବିଭିନ୍ନ ଉନ୍ନୟନ ମୂଳକ କାର୍ଯ୍ୟରେ ପିଇଓ ମାନଙ୍କର ଭୂମିକା ଅତି ଗୁରୁତ୍ୱପୂର୍ଣ୍ଣ ଥିଲା । ଦିନରାତି ଏକ କରି ସେମାନେ ସରକାରଙ୍କର ବିଭିନ୍ନ ଜନହିତକର ଯୋଜନାକୁ ସଫଳ ରୂପାୟନ କରାଇବା ସହିତ ଲୋକ ମାନଙ୍କୁ ସୂୂଚାରୁରୂପେ ସେବା ଯୋଗାଇ ଦେଇଆସୁଥିଲେ ବୋଲି କହିଥିଲେ । ଏହି ଅବସରରେ ବଦଳି ହୋଇଥିବା ପିଇଓ ନିଶାକର ଖୁଣ୍ଟିଆ, ଅଲେଖ ଚରଣ ମଲ୍ଲିକ, ଅଶୋକ କୁମାର ସ୍ୱାଇଁ, ବିଭୁଦତ୍ତ ପାତ୍ର, ପ୍ରଦୀପ କୁମାର ନାୟକଙ୍କୁ ଉତ୍ତରୀୟ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ବ୍ଲକର ବିଭିନ୍ନ ବିଭାଗର ଅଧିକାରୀ ଓ କର୍ମଚାରୀ ମାନେ ଉପସ୍ଥିତ ଥିଲେ ।