ବଧିର ସଂଘ ପକ୍ଷରୁ ମୃତ ରେଳଯାତ୍ରୀଙ୍କୁ ଶ୍ରଦ୍ଧାଞ୍ଜଳି
ବାଲେଶ୍ୱର, (ସରୋଜ ପଣ୍ଡା):ବାଲେଶ୍ୱର ଜିଲା ବଧିର ସଂଘ ପକ୍ଷରୁ ଦୁର୍ଘଟଣାରେ ମୃତ ରେଳଯାତ୍ରୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ସ୍ଥାନୀୟ ଏଫଏମ ଗୋଲେଇଠାରେ ଆୟୋଜିତ କାର୍ଯ୍ୟକ୍ରମରେ ସଂଗଠନର କର୍ମକର୍ତ୍ତା ଓ ସଦସ୍ୟ ସଦସ୍ୟାମାନେ କ୍ୟାଣ୍ଡେଲ ଜାଳି ମୃତକଙ୍କ ଅମର ଆତ୍ମାର ସଦଗତି ପାଇଁ ପ୍ରାର୍ଥନା କରିଥିଲେ । ଏଥି ସହିତ ଦୁର୍ଘଟଣାରେ ଆହତ ଯାତ୍ରୀଙ୍କ ଆଶୁ ଆରୋଗ୍ୟ କାମନା କରିଥିଲେ । ସଂଘର ସଭାପତି ସୁବୀର କୁମାର ନାୟକ ଓ ସମ୍ପାଦକ ପ୍ରଦୀପ୍ତ କୁମାର ସାହୁଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମ ପରିଚାଳନାରେ ସଞ୍ଜୟ କୁମାର ନାୟକ, ଅଭୟ କୁମାର ମହାରଣା, ଇମ୍ରାନ ଖାନ, ଭାଗ୍ୟଶ୍ରୀ ବେହେରା, ଦୀପ୍ତିବାଳା ସାହୁ, ମମତା ବେହେରା ଓ ଅନ୍ୟାନ୍ୟ ସଦସ୍ୟ ସଦସ୍ୟାମାନେ ସକ୍ରିୟ ସହଯୋଗ କରିଥିଲେ ।
