ବନ୍ଦ କୋଠରୀରୁ ଚୋରି

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା): ଭଣ୍ଡାରିପୋଖରୀ ଥାନା ୧୬ନଂ ଜାତୀୟ ରାଜପଥର ପାଳଦା ବାଙ୍କ ନିକଟ ହନୁମାନ ବାଟିକା ପ୍ରାଙ୍ଗଣ ଏକ ଦୁଇମହଲା କୋଠା ଘରୁ ଚୋରି ହୋଇଥିବା ଥାନାରେ ଅଭିଯୋଗ ହୋଇଛି । ଉକ୍ତ ଘରେ କିଛିଦିନ ହେବ କୌଣସି ବ୍ୟକ୍ତି ରହୁନଥିବାବେଳେ ଗୁରୁବାର ରାତିରେ ଦୁର୍ବୁତ୍ତ ମାନେ ଗ୍ରୀଲ ଓ କବାଟ ଭାଙ୍ଗି ଚୋରି କରିଥିବା ଜଣାପଡିଛି । ମନୋରଞ୍ଜନ ସାମନ୍ତରାୟଙ୍କ ଅଭିଯୋଗକୁ ଭିତ୍ତିକରି ପୋଲିସ ସାଇଣ୍ଟିଫିକ ଟିମ ସହ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ପ୍ରାଥମିକ ତଦନ୍ତରୁ ଘରର କିଛି ଗୁରୁତ୍ୱପୂର୍ଣ୍ଣ ଆସବାବପତ୍ର ଚୋରି ହୋଇଥିବା ଜଣାପଡିଛି । ଚୋରି ନେଇ ଥାନା ପକ୍ଷରୁ ୧୯୦/୨୦ରେ ମାମଲା ଋଜୁ ହୋଇଥିବା ପୋଲିସ ପକ୍ଷରୁ କୁହାଯାଇଛି ।