ବାଇକ୍ ଧକ୍କାରେ ମହିଳା ମୃତ

ଛତ୍ରପୁର, (ଦେବଦତ୍ତ ମହାରଣା): ରମ୍ଭା ଥାନା ଅଧୀନ ହୁମ୍ମାହାଟ ନିକଟରେ ଏକ ବାଇକ୍ ଧକ୍କାରେ ମହିଳାର ମୃତ୍ୟୁ ଘଟିଛି । ମୃତ ମହିଳା ଜଣକ ପ୍ରୟାଗୀ ଗ୍ରାମର ବନ ଗୌଡ(୫୨) ବୋଲି ଜଣାପଡିଛି । ମିଳିଥିବା ସୂଚନାନୁସାରେ, ଆଜି ମଧ୍ୟାହ୍ନରେ ବନ ଗୌଡ ଏକ ଅଟୋରୁ ଓହ୍ଲାଇ ଚାଲି ଯାଉଥିବା ବେଳେ ହୁମ୍ମାହାଟ ନିକଟରେ (ଓଡି୦୭ ଏଜେ -୪୩୬୬) ଏକ ବାଇକ୍ ପଛପଟୁ ଧକ୍କା ଦେଇଥିଲା । ଫଳରେ ମହିଳା ଜଣକ ଗୁରୁତର ଆହତ ହୋଇଥିଲେ । ସ୍ଥାନୀୟଲୋକ ତାଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସରେ ପ୍ରଥମେ ହୁମ୍ମା ମେଡିକାଲକୁ ନେଇଥିଲେ । ସଙ୍କଟାପନ୍ନ ଥିବାରୁ ତାଙ୍କୁ ଛତ୍ରପୁର ଉପଖଣ୍ଡ ଡାକ୍ତରଖାନାକୁ ପଠାଯାଇଥିଲା । ସେଠାରେ ଡାକ୍ତର ବନକୁ ମୃତ ଘୋଷଣା କରିଥିଲେ । ସୂଚନା ଯୋଗ୍ୟ ମୃତ ବନ ଗୈାଡ ନିଜର ନିର୍ମାଣ ଶ୍ରମିକ କାର୍ଡ ନବୀକରଣ ନିମନ୍ତେ ଛତ୍ରପୁର ଶ୍ରମ ଅଫିସକୁ ଆସିବା ନିମନ୍ତେ ଗାଁରୁ ଆସିଥିଲେ ବୋଲି ଗ୍ରାମବାସୀ କହିଛନ୍ତି ।