ବାବା ବିନ୍ଦେଶ୍ୱର ଯୁବକ ସଂଘ ପକ୍ଷରୁ ରକ୍ତଦାନ ଶିବିର

ଛତ୍ରପୁର,: ପବିତ୍ର ଗଣେଶ ପୂଜା ଉପଲକ୍ଷେ ଛତ୍ରପୁର ବ୍ଲକ ଅନ୍ତର୍ଗତ ମହାନାଦପୁର ଗ୍ରାମର ଶ୍ରୀ ଶ୍ରୀ ଶ୍ରୀ ବାବା ବିନ୍ଦେଶ୍ୱର ଯୁବକ ସଂଘ ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଦେବିଛକ ସ୍ଥିତ ଅଙ୍ଗନବାଡି କେନ୍ଦ୍ର ପରିସରରେ ଅନୁଷ୍ଠିତ ଶିବିରରେ ମୋଟ ୧୯ ୟୁନିଟ୍ ରକ୍ତ ସଂଗୃହୀତ ହୋଇଛି ।ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା ଯୋଗଦେଇ ଶିବିରକୁ ଉଦ୍ଘାଟନ କରି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ଅନ୍ୟମାନଙ୍କ ମଧ୍ୟରେ ଛତ୍ରପୁର ବ୍ଲକ ଅଧ୍ୟକ୍ଷ ଏମ୍.ଧନଞ୍ଜୟ ରେଡ୍ଡି, ନୃସିଂହନାଥ ମହାବିଦ୍ୟାଳୟର ଅଧ୍ୟାପକ ଡ.ବିକ୍ରମ କାମକ୍ଷା ବ୍ରହ୍ମା, ଆୟୁଷ ଡାକ୍ତର ପ୍ରଭାତ ଚନ୍ଦ୍ର ପଣ୍ଡା, ବଡମାଧପୁର ସରପଞ୍ଚ ଶରତ ଖୁଣ୍ଟିଆ, ସମିତି ସଭ୍ୟ ଏନ୍.କ୍ରିଷ୍ଣା ରେଡ୍ଡି, ଚରଣ ବେହେରା ପ୍ରମୁଖ ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ପ୍ରାରମ୍ଭରେ ଗ୍ରାମର ଶତାଧିକ ମହିଳା ଓ ପୁରୁଷ ଏବଂ ଯୁବକ ସଂଘ ପକ୍ଷରୁ ବାଜାବାଦ୍ୟ ଓ ଶଙ୍ଖ ହୁଳହୁଳିରେ ବିଧାୟକ ଏବଂ ଅନ୍ୟାନ୍ୟ ଅତିଥିଙ୍କୁ ପାଛୋଟି ଆଣିଥିଲେ । ଶିବିର ପରିଚାଳନାରେ ସଂପୂର୍ଣ୍ଣ ମାତ୍ରାରେ ସଂଘର ସଭାପତି ରବୀନ୍ଦ୍ର କୁମାର ରାଉଳ,ସଂପାଦକ କୈଳାସ ଚନ୍ଦ୍ର ବେହେରା, ଲିଙ୍ଗରାଜ ବେହେରା, ଅନନ୍ତ ବେହେରା, ବାବୁନା ବେହେରା, ନିରଞ୍ଜନ ସେଠୀ, ଶିବରାମ ବେହେରା, ଦୀପକ ବେହେରା, ବୁବୁ ବେହେରା, ପ୍ରତାପ ଚନ୍ଦ୍ର ମହାପାତ୍ର, ଅନୀଲ କୈବର୍ତ୍ତ, ପ୍ରଫୁଲ କୁମାର ବେହେରାଙ୍କ ସମେତ ସମସ୍ତ ସଭ୍ୟ ମାନେ ସହଯୋଗ କରିଥିଲେ । ଅନ୍ୟମାନଙ୍କ ମଧ୍ୟରେ ବ୍ରହ୍ମପୁର ରକ୍ତଭଣ୍ଡାର ପି.ସୁବୁଦ୍ଧି, ଚରଣ ଦେହୁରୀ, ନନ୍ଦ କିଶୋର ଦେଓ, ନାଗଭୂଷଣ ପ୍ରଧାନ ଓ ବାବୁନ୍ ବେହେରା ଉପସ୍ଥିତ ରହି ରକ୍ତ ସଂଗ୍ରହରେ ସହଯୋଗ କରିଥିଲେ ।