ବାମେବାରୀ ଅଂଚଳରେ ଚୋରି, ଥାନାରେ ଏତଲା

ଯୋଡ଼ା (ଯୁଗାବ୍ଦ ନ୍ୟୁଜ) କେନ୍ଦୁଝର ଜିଲା ବାମେବାରୀ ଥାନା ଅନ୍ତର୍ଗତ ବିପ୍ଲଟ ଠାରେ ଏକ ଗ୍ରୋସରୀ ଦୋକାନରୁ ଟଙ୍କା ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି । ଅଭିଯୋଗ ଅନୁଯାୟୀ ଜଣାପଡିଛି ଯେ, ବିପ୍ଲଟଠାରେ ଲୋଚନ ପଲେଇ ଙ୍କର ଏକ ଛୋଟ ଗ୍ରୋସରୀ ଦୋକାନ ରହିଛି । ଗତ ୨୨ ତାରିଖ ରାତିରେ ତାଙ୍କ ଦୋକାନର କବାଟ ଭାଙ୍ଗି କେହି ଦୁର୍ବୁତ ନଗଦ ୬୦ ହଜାର ଟଙ୍କା ଚୋରି କରିନେଇଥିବା ନେଇ ଲୋଚନ ପଲେଇ ବାମେବାରୀ ଥାନାରେ ଅଭିଯୋଗ କରିଛନ୍ତି । ଏନେଇ ବାମେବାରୀ ଥାନାରେ କେଶ୍ ନଂ ୨୧/୨୦୨୦ ରୁଜୁ ହୋଇଛି । ସେହିପରି ଗତ ୧୯ ତାରିଖ ମଧ୍ୟ ବାମେବାରୀ ଥାନା ଜରିବାହାଲ ଅଂଚଳର ମୁଖିଆ ମୁଣ୍ଡାଙ୍କର ବାଇକ୍ ନଂ ଓଡି ୦୯ କ୍ୟୁ ୬୫୩୦ ଚୋରି ହୋଇଯାଇଥିବା ନେଇ ବାମେବାରୀ ଥାନାରେ ଅଭିଯୋଗ ହୋଇଛି । ଏନେଇ ବାମେବାରୀ ପୋଲିସ କେଶ୍ ନଂ ୨୨/୨୦୨୦ ରୁଜୁ କରି ତଦନ୍ତ ଆରମ୍ଭ କରିଥିବା ସୂଚନା ଦେଇଛି ।