ବାଲେଶ୍ୱର ସହରରେ ନକଲି ପଟାସ ସାର କାରଖାନା ଠାବ

ବାଲେଶ୍ୱର, (ସରୋଜ ପଣ୍ଡା):୧୦୦ରୁ ଊର୍ଦ୍ଧ୍ଵ ବସ୍ତା ସାର ଜବତ, ମାଲିକ ଫେରାର।ବାଲେଶ୍ଵର ସହରର ଭୋଟର ମିଲ ସ୍ଥିତ ବ୍ୟାଙ୍କ୍ କଲୋନୀ ଠାରେ ନକଲି ସାର କାରଖାନା ଠାବ କରାଯାଇଛି। ସେଠାରେ ଦୀର୍ଘ ଦିନ ଧରି ନକଲି ପଟାସ ସାର ତିଆରି ହେଉଥିଲା। ଏନେଇ ଅଭିଯୋଗ ଆସିବା ପରେ ଶୁକ୍ରବାର ଘଟଣା ସ୍ଥଳରେ କୃଷି ବିଭାଗ, ସହଦେବଖୁଣ୍ଟା ପୋଲିସ, ସଦର ତହସିଲଦାରଙ୍କ ନେତୃତ୍ୱରେ ଏକ ଟିମ ଘଟଣା ସ୍ଥଳରେ ପହଞ୍ଚି ପଟାସ୍ ସାର ତିଆରିରେ ବ୍ୟବହୃତ ଲୁଣ,ରଙ୍ଗ, ସାର ସହ ନକଲି ୧୦୦ ବସ୍ତା ସାର ଓ ସେହି ସ୍ଥାନକୁ ସିଲ୍ କରିଥିଲେ।ଏଥି ସହ ଚାଲାଣ ହେଉଥିବା ପିକଅପକୁ ମଧ୍ୟ ଜବତ କରିଛନ୍ତି। ତେବେ କାରଖାନାର ମାଲିକ ସରୋଜ ହାଜରା ଫେରାର ହୋଇଯାଇଛନ୍ତି।ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି।