ବିଜେପି ଛାଡିଲେ ରମାକାନ୍ତ ଭୋଇ

ତିର୍ତୋଲ, (ଅଭିଷେକ ତ୍ରିପାଠୀ):ତିର୍ତୋଲ ଉପନିର୍ବାଚନ ପୂର୍ବରୁ ରାଜନୀତି ସରଗରମ ହୋଇଛି ସତ କିନ୍ତୁ ନେତାଙ୍କ ଦଳ ଡିଆଁ କାର୍ଯ୍ୟ ଜାରି ରହିଛି । କଂଗ୍ରେସର ପୂର୍ବତନ ବିଧାୟକ ପ୍ରାର୍ଥୀ ରାଜକିଶୋର ବେହେରା କିଛି ଦିନ ପୂର୍ବରୁ ନିଜର ବହୁ ସମର୍ଥକଙ୍କ ସହ ବିଜେପିରେ ଯୋଗ ଦେଇଥିଲେ । ସେ ବିଜେପି ଦଳରୁ ପାର୍ଥୀ ହେବାପାଇଁ ପୁରା ପ୍ରସ୍ତୁତ ଅଛନ୍ତି ଓ ନିର୍ଵାଚନ ଲଢ଼ିବେ ବୋଲି ତାଙ୍କ ସମର୍ଥକ ମାନେ ପ୍ରଚାର ଆରମ୍ଭ କରିଥିବା ବେଳେ | କିନ୍ତୁ ରମାକାନ୍ତଙ୍କ ସମର୍ଥକ ରମାକାନ୍ତଙ୍କୁ ଟିକେଟ ଦିଆ ଯାଉ ବୋଲି ଦାବି କରିଆସୁଥିଲେ।ବିଜେପିର ଟିକେଟ ଘୋଷଣା ପୂର୍ବରୁ ରମାକାନ୍ତ ବିଜେପି ଦଳର ହାତ ଛାଡିଛନ୍ତି ଦଳରେ ତାଙ୍କୁ ଅଣଦେଖା କରାଯାଉଥିବାରୁ ସେ ଏଭଳି ନିଷ୍ପତି ନେଇଥିବା ଗଣମାଧ୍ୟମ ଆଗରେ ପ୍ରକାଶ କରିଛନ୍ତି |ଆଗକୁ କେଉଁ ଦଳରେ ଯୋଗଦେବେ ତାହା ସ୍ପଷ୍ଟ ହୋଇ ନ ଥିବାବେଳେ । ଶ୍ରୀଯୁକ୍ତ ଭୋଇ ୨୦୧୯ ରେ ବିଜେପି ତରଫରୁ ଲଢି ୫୩,୫୮୧ ଭୋଟ ପାଇ ଦ୍ବିତୀୟ ସ୍ଥାନରେ ରହିଥିଲେ ।