ବିଜେପି ପ୍ରାର୍ଥୀଙ୍କ ପ୍ରଚାର ଜମୁଛି
ନାଉଗାଁ, (ଯୁଗାବ୍ଦ ନ୍ୟୁଜ) :-ନାଉଗାଁ ବ୍ଲକ ଜୋନ୍-୧ର ବିଜେପି ଜିଲ୍ଲା ପରିଷଦ ପ୍ରାର୍ଥୀନୀ ଜ୍ୟୋସ୍ନାରାଣୀ ଆଚାର୍ଯ୍ୟ ଏହି ଜୋନ୍ରେ ଥିବା ଗଜରାଜପୁର, ଗଳଦାରୀ, ନୂଆଗାଁ, ଅଲଣା ଆଦି ପଂଚାୟତରେ ଘର ଘର ବୁଲି ପ୍ରଚାର କରିଛନ୍ତି । ପ୍ରଚାରରେ ତାଙ୍କ ସହ ବିଜେପି ସମର୍ଥିତ ସରପଂଚ ଓ ସମିତି ସଭ୍ୟ ପ୍ରାର୍ଥୀମାନେ ସାମିଲ ହୋଇଥିବା ବେଳେ ଅଲଣାହାଟ ମଣ୍ଡଳ ସଭାପତି ଦୁର୍ଗାପ୍ରସାଦ ଆଚାର୍ଯ୍ୟ, ଜୟପ୍ରକାଶ ଦାସ, ସମର ରାୟ, ତାପସ ଜେନା, ସରୋଜ କୁମାର ମହାନ୍ତି, ଜ୍ଞାନରଂଜନ ଦାସ, ଅଭୟ ବେହେରା, ପ୍ରଶାନ୍ତ କୁମାର ମିଶ୍ରଙ୍କ ସହ ଅନ୍ୟ କର୍ମୀମାନେ ସାମିଲ ହୋଇ କେନ୍ଦ୍ର ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ସହିତ ବିକାଶଧାରାକୁ ଆଗେଇ ନେବା ପାଇଁ ବିଜେପି ଜିଲ୍ଲା ପରିଷଦ ପ୍ରାର୍ଥୀନୀ ଓ ବିଜେପି ସମଥିତ ସରପଂଚ ଓ ସମିତି ସଭ୍ୟ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଭୋଟରମାନଙ୍କୁ ନିବେଦନ କରିଥିଲେ ।
