ବିଜେପି ର ବୁଥସ୍ତରୀୟ କମିଟି ଚୟନ

ଶେରଗଡ, (ଯୁଗାବ୍ଦ ନ୍ୟୁଜ):ଶେରଗଡ ବ୍ଲକ ବିଜେପି ପକ୍ଷରୁ ବୁଥ ସ୍ତରୀୟ କମିଟି ଚୟନ କାର୍ଯ୍ୟକ୍ରମ ତାକରଡା ଠାରେ ଅନୁଷ୍ଠିତ ହୋଈଯାଈଛି। ଏହି କାର୍ଯ୍ୟକ୍ରମ  କୁ କୁମାରପାଣି ସରପଞ୍ଚ ଉଦୟନାଥ ପ୍ରଧାନ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ହୋଈଥିବା ବେଳେ ଏଥିରେ ମୂଖ୍ୟ ଅତିଥି ଭାବେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶିଶିର କୁମାର ମିଶ୍ର ଯୋଗ ଦେଈ ବୁଥ ସ୍ତରୀୟ କମିଟି ଚୟନ କରିଥିଲେ। ଧବଳପୁର ମଣ୍ଡଳ ର ଶୋଳଶୋଳା ଲାଗି ଟି.ସତ୍ୟ ପାତ୍ର, ଛତ୍ରଢେପା ରେ ରଞ୍ଜନ ଗୌଡ, ଧବଳପୁର ୧ ଓ ଧବଳପୁର ୨ ଲାଗ ଯଥାକ୍ରମେ ସଞ୍ଜୟ ପ୍ରଧାନ ଓ ଅକ୍ଷୟ ମଳିକ, ତାକରଡା ୪୧ ନମ୍ବର ଲାଗି କାଳିଆ ନାଈକ,ତାକରଡା ୪୨ ନମ୍ବର ଲାଗି ନଟବରଲାଲ ପାତ୍ର, ସାଗରପଲ୍ଲୀ ୪୩ ନମ୍ବର ଲାଗି ଡି.ବାବୁ ପାତ୍ର, ଭୁଷୁଣ୍ଡା ୪୪ ନମ୍ବର ଲାଗି ସୁନିଳ କୁମାର ସ୍ବାଈଁ, ଚିକିଲି ୪୫ ନମ୍ବର ଲାଗି ସଞ୍ଜୟ କୁମାର ସେଠି,ଲାଞ୍ଜିଆପଲ୍ଲୀ ଲାଗି ବଂଶୀଧର ସ୍ବାଈଁ, ସୁନାନ୍ତର ଲାଗି ଆଲୋକ ଜେନା, ଧନନ୍ତର ଲାଗି ସୁଧିର ଦାସ, ସୁବଳୟାପଲ୍ଲୀ ଲାଗି ହିରଣ୍ୟ ବେହେରା ଓ ଅଶୋକପୁର ଲାଗି ବୁଲୁ ଗୌଡ ଙ୍କୁ ଚୟନ କରାଯାଇଥିଲା। ଏହି ବୁଥସ୍ତରୀୟ କମିଟି ମାନେ ଆଗାମୀ ଦିନ ରେ ତଳସ୍ତରରେ ଥିବା ସମସ୍ତ ଜନସାଧାରଣ ଙ୍କ ନିକଟକୁ ଯାଇ ସେମାନଙ୍କ ସମସ୍ୟା ଉପରେ ଆଲୋଚନା କରିବା ସହ ସମାଧାନ କରିବା ଲାଗି ଉପସ୍ଥାପନ କରିବେ ଏବଂ ଦଳ ପାଇଁ ଅଧିକ ରୁ ଅଧିକ କର୍ମୀ ସାମିଲ କରିବା ସହ ଦଳକୁ ମଜଭୂତ କରିବା ବୈଠକର ମୂଳ ଲକ୍ଷ୍ୟ ବୋଲି ଘୁମୁସର ଜିଲ୍ଲା ଉପସଭାପତି ମାଧବ ଗୌଡ, ହିଞ୍ଜିଳି ନଗର ବିଜେପି ସଭାପତି ସନ୍ତୋଷ ପାଣିଗ୍ରାହୀ, ରାକେଶ କୁମାର ରଥ,ରାକେଶ କୁମାର ସାହୁ ଙ୍କ ସହିତ ଶତାଧିକ ଦଳୀୟ କର୍ମୀ ଉପସ୍ଥିତ ଥିଲେ।