ବିଦେଶୀ ମଦ ଜବତ , ଅଭିଯୁକ୍ତ କୋର୍ଟଚାଲାଣ

ପାଣିକୋଇଲି(ଜୁଗାବ୍ଦ ନ୍ୟୁଜ୍‍): କୋରାଇ ପୁଲିସ ବିଦେଶୀ ମଦ ଜବତ କରିବା ସହ ବେପାରୀକୁ ଗିରଫ କରି କୋର୍ଟଚାଲାଣ କରିଛି । ୨୦ ନମ୍ବର ଜାତୀୟ ରାଜପଥର ଅନ୍ଧାରୀ ଚକ ନିକଟରେ ଚୋରା ମଦ ବେପାର ହେଉଥିବା ଖବର ପାଇ ପୁଲିସ ଚଢ଼ାଉ କରିଥିଲା । ସ୍ଥାନୀୟ ଅଞ୍ଚଳରୁ କୋରାବନ୍ଦୀ ଗ୍ରାମର କେଶବ ପରିଡାଙ୍କ ପୁଅ ଲିପୁନା (୨୬) ମଦ ସହ ଧରାପଡିଥିଲା । ତା ନିକଟରୁ ୭ ବୋତଲ ବିଅର ଜବତ କରିବା ସହ ପୁଲିସ ତାକୁ ଗିରଫ କରିଛି । ଏନେଇ ୯୯/୧୯ରେ ମାମଲା ରୁଜ୍ଜୁ କରାଯାଇ ଦଫା ୫୨(ଏ) ଓଡିଶା ଏକ୍ସସାଇଜ ଆକ୍ଟରେ କୋର୍ଟଚାଲାଣ କରାଯାଇଛି ।