ବେଣାପଡାରେ ଯୋଗ ଶିବିର

ନାଉଗାଁ : ନାଉଗାଁ ବ୍ଳକ ବେଣାପଡାରେ ପତଂଜଳି ଓ ଅଭିରାମ ଯୁବକ ସଂଗ ମିଳିତ ଆନୁକୁଲ୍ୟରେ ସାତ ଦିନିଆ ଯୋଗ ଶିବିର ଅନୁଷ୍ଠିତ ହୋଇଯାଇଛି । ପତଂଜଳିର ଜଗତସିଂହପୁର ଯୋଗ ପ୍ରଶିକ୍ଷକ ଯୋଗଗୁରୁ ତ୍ରିଲୋଚନ ସାହୁ ଶିବିରରେ ଯୋଗ ଦେଇ ଯୋଗ ଶିକ୍ଷା ଦେଇଥିଲେ । ଏହି ଶିବିରରେ ୪୦ଜଣ ଶିକ୍ଷାର୍ଥୀ ଶିକ୍ଷା ନେଇଥିଲେ । ଏହି ଅବସରରେ ‘କର ଯୋଗ,ରୁହ ନିରୋଗ’ ‘ବେଟି ବଚାଓ,ବେଟି ପଢାଓ’ ‘ଏକ ଦୋ ଏକ ଦୋ,ନିଶା ପାଣି ଛୋଡ ଦୋ’ ଭଳି ସ୍ୱୋଗାନ ଦିଆଯାଇ ସକାଳ ଓ ସଂଧ୍ୟାରେ ରାଲି କରାଯାଇ ଗ୍ରାମ ପରିକ୍ରମା କରାଯାଇଥିଲା । ପ୍ରତ୍ୟେହ ସକାଳ ବେଳା ସ୍ୱଛ ଭାରତ ଅଭିଯାନରେ ଗ୍ରାମ ସଫେଇ କରାଯାଇଥିଲା । ଏହି ଶିବିର ଆଲର୍ବଟ କେ ମହାନ୍ତି, ପାୟଲ ପ୍ରୀୟଦର୍ଶିନୀ ମହାପାତ୍ର, ଦେବାଶିଷ ମହାନ୍ତି ଆଦିଙ୍କ ନେତୃତ୍ୱରେ ପରିଚାଳିତ ହେଉଥିଲା ।