ଭାରତ ସ୍କାଉଟ୍ ଗାଇଡ଼୍ ଦ୍ୱାରା ସଡ଼କ ସୁରକ୍ଷା ପାଳନ
ଭୁବନେଶ୍ୱର ,(ଓ୍ବାଇଏନ୍ଏସ୍): ଓଡିଶା ରାଜ୍ୟ ଭାରତ ସ୍କାଉଟସ୍ ଏବଂ ଗାଇଡସ୍ ସଂଗଠନ ତରଫରୁ ସଡ଼କ ସୁରକ୍ଷା ଜନିତ ଏକ ଆୟୋଜନ ଚକ୍ର ରାଜ୍ୟ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଅଛି । ଏହି କାର୍ଯ୍ୟକ୍ରମରେ ମୋଟ୍ ୫୦ ଜଣ ସ୍କାଉଟ୍, ଗାଇଡ଼୍, ସ୍କାଉଟ୍ ମାଷ୍ଟର ଓ ଗାଇଡ଼୍ କ୍ୟାପ୍ଟେନ୍ ଯୋଗଦାନ କରିଥିଲେ । ରାଜ୍ୟ ମୁଖ୍ୟ କମିଶନର ଡଃ କାଳି ପ୍ରସାଦ ମିଶ୍ରଙ୍କ ପୌରୋହିତ୍ୟରେ ମୁଖ୍ୟ ଅତିଥି ଭାବରେ ଭୁବନେଶ୍ୱର-କଟକର ଊଉଚ (ଞକ୍ସବଲଲସମ) ଶୀମତୀ ସୌମ୍ୟା ମିଶ୍ର-ଓଚଝ, ଏବଂ ସମ୍ମାନିତ ଅତିଥି ଭୁବନେଶ୍ୱର-କଟକର ଇୟୟକ୍ଷ. ଊଉଚ ଡଃ. କେ.କେ. ପାଣିଗ୍ରାହୀ-ଙଚଝ-ଓ ଯୋଗଦାନ କରି କିଭଳି ଭାବରେ ନିଜକୁ ସୁରକ୍ଷିତ କରିବା ସଂଗେ ସଂଗେ ଦୁର୍ଘଟଣା ସମୟରେ ଅନ୍ୟକୁ ସାହାଯ୍ୟ ସହଯୋଗ କରିପାରିବେ, ସେହି ବିଷୟରେ ଆଲୋଚନା କରିଥିଲେ । ଏହି ଅବସରରେ ଲୋକମାନଙ୍କୁ ସଚେତନ କରିବା ପାଇଁ ସ୍କାଉଟ୍ ଗାଇଡ଼୍, ସ୍କାଉଟ୍ ମାଷ୍ଟର ଏବଂ ଗାଇଡ଼୍ କ୍ୟାପ୍ଟେନ୍ ମାନେ ବିଭିନ୍ନ ଜାଗା ବୁଲି ଲିଫ୍ଲେଟ୍ ବାଣ୍ଟିଥିଲେ ଏବଂ ହାତରେ ପ୍ଲାକାର୍ଡ ଧରି ଲୋକମାନଙ୍କୁ ସଚେତନ କରିଥିଲେ । ଶେଷରେ ଶ୍ରୀମତୀ ଅନାମିକା ଦାସ, ରାଜ୍ୟ ସଂଗଠନ କମିଶନର (ଗାଇଡ଼୍) ସମସ୍ତଙ୍କୁ ସ୍ୱାଗତ କରିବା ସଂଗେ ସଂଗେ ଶ୍ରୀ ମିହିର ରଂଜନ ପଟ୍ଟନାୟକ, ଯୁଗ୍ମ ରାଜ୍ୟ ସଂପାଦକ ଧନ୍ୟବାଦ ଅର୍ପଣ କରିଥିଲେ । ଉକ୍ତ କାର୍ଯ୍ୟକ୍ରମକୁ କାର୍ଯ୍ୟାଳୟର ସମସ୍ତ କର୍ମଚାରୀ ସହଯୋଗ କରିଥିଲେ ।
