ଭୁଷୁଡିଲା ଚାଳଘର, ଅଳ୍ପକେ ବର୍ତ୍ତିଲେ ପରିବାର

ହାଟଡ଼ିହି, : କେନ୍ଦୁଝର ଜିଲ୍ଲା ହାଟଡିହି ବ୍ଲକ ଅକରୁଆ ପଞ୍ଚାୟତର ଆମ୍ବଗଡିଆ ଗାଁରେ ପ୍ରତାପ ଜେନାଙ୍କ ଏକ ୬ବଖରା ଚାଳ ଘର ଭୁଷୁଡି ପଡିଛି । ପରିବାରର ୫ଜଣ ସଦସ୍ୟ ରାତିରେ ଶୋଇଥିବାବେଳେ ଘର ଭୁଷୁଡି ପଡିଥିଲେବି ଅଳ୍ପକେ ପରିବାର ଲୋକେ ରକ୍ଷା ପାଇଯାଇଛନ୍ତି । ଏତେ ଜଣ ପରିବାରକୁ ଧରି କେଉଁଠି ଆଶ୍ରୟ ନେବେ ସେନେଇ ଚିନ୍ତାରେ ପଡିଯାଇଛନ୍ତି ପରିବାର ଲୋକେ । ରବିବାର ରାତିରେ ଗ୍ରାମର ପ୍ରତାପ ଜେନାଙ୍କ ପରିବାର ଲୋକେ ଘରେ ଶୋଇଥିବାବେଳେ ଅଚାନକ ତାଙ୍କର ୬ବଖରା ଚାଳଘର ଭାଙ୍ଗି ତଳେ ଲୋଟିଯାଇଥିଲା । ସେତେବେଳେ ପରିବାର ଲୋକେ ଘରେ ଶୋଇଥିବାବେଳେ ଜୀବନ ବିକଳରେ ବାହାରକୁ ପଳାଇଅସି ନିଜ ନିଜର ଜୀବନ ବଞ୍ଚାଇଥିଲେ । ଘର ଭାଙ୍ଗିପଡିବାର ଶବ୍ଦ ଶୁଣି ପଡୋଶୀ ଲୋକମାନେ ଧାଇଁ ଆସି ଘର ଭିତରୁ ଗୃହୋପକରଣ ସାମଗ୍ରୀ ଉଦ୍ଧାର କରିବାକୁ ଉଦ୍ୟମ କରିଥିଲେ ମଧ୍ୟ ଭିତରକୁ କେହି ଯିବାକୁ ସାହାସ କରିନଥିଲେ । ଫଳରେ ଏବେ ପ୍ରତାପ, ତାଙ୍କ ସ୍ତ୍ରୀ ଝରଣା, ମା ଅଖଜି, ଝିଅ ସରୋଜିନୀ, ପୁଅ ବିଶ୍ୱଜିତ ପ୍ରମୁଖ ନିରାଶ୍ରୟ ହୋଇ ଘର ବାହାରେ ଆଶ୍ରୟ ନେଇଛନ୍ତି । ଦଧିବାବନପୁର ଓ ଆମ୍ବଗଡିଆ ଗ୍ରାମର ଲୋକମାନଙ୍କ ନାମ ଏସ.ଇ.ସି.ସି ତାଲିକାରୁ ବାଦ ପଡିଥିବାରୁ ସେମାନେ ଆବାସ ଯୋଜନାରୁ ବଞ୍ଚିତ ହୋଇଥିବାବେଳେ ଅନେକ ଗରିବ ପରିବାର ଏବେ ଭଙ୍ଗାଘରେ ଜୀବନକୁ ବିପନ୍ନକରି ବାସ କରୁଥିବା ଦେଖିବାକୁ ମିଳିଛି । ଖବରପାଇ ସ୍ଥାନୀୟ ସରପଞ୍ଚ କୌଶଲ୍ୟା ସେଠୀ ଏ ସମ୍ପର୍କରେ ତହସିଲଦାର ଓ ରାଜସ୍ୱ ନିରୀକ୍ଷଙ୍କୁ ଜଣାଇବା ସହ ବିପନ୍ନ ପରିବାରକୁ ତୁରନ୍ତ ବାସଗୃହ ଯୋଗାଇଦେବା ସମ୍ପର୍କରେ ବିଡିଓଙ୍କ ସହିତ କଥା ହୋଇଥିବା ସୁଚନା ଦେଇଛନ୍ତି ।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ