ମଦ ଜବତ, ୨ଗିରଫ

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା) :ଭଣ୍ଡାରିପୋଖରୀ ଥାନା ଅଞ୍ଚଳରେ ଦିନକୁ ଦିନ ଚୋରା ମଦ ବେପାର ବୃଦ୍ଧି ପାଇବାରେ ଲାଗିଛି । ବେଆଇନ ମଦ ଜବତ କରିବା ଅବକାରୀ ବିଭାଗର ପ୍ରମୁଖ କାର୍ଯ୍ୟ ହୋଇଥିଲେ ସୁଦ୍ଧା ଶାଖା କାର୍ଯ୍ୟାଳୟଟି ଧାମନଗରରେ ଅବସ୍ଥିତ ଥିବାରୁ ଏହାର ସୁଯୋଗ ନେଇ ଚୋରା ମଦ ବେପାରୀ ମାନେ ବେପାର ବୃଦ୍ଧି କରିବାରେ ଲାଗିଛନ୍ତି । ତେଣୁ ସ୍ଥାନୀୟ ଥାନା ପକ୍ଷରୁ ବିଭିନ୍ନ ସ୍ଥାନରୁ ଚଢାଉ କରାଯାଇ ବେଆଇନ ଦେଶୀ ବିଦେଶୀ ମଦ ଜବତ କରାଯାଉଛି । ଏହି ପରିପ୍ରେକ୍ଷୀରେ ଭଣ୍ଡାରିପୋଖରୀ ଥାନା ଅଧିକାରୀ ମୃତ୍ୟୁଞ୍ଜୟ ପ୍ରଧାନଙ୍କ ନିର୍ଦ୍ଦେଶକ୍ରମେ ଦୁଇଗୋଟି ସ୍ଥାନରେ ଚଢାଉ କରାଯାଇ ବ୍ୟାପକ ପରିମାଣର ମଦ ସହିତ ଅଭିଯୁକ୍ତଙ୍କୁ ଗିରଫ କରାଯାଇଛି । ମଞ୍ଜୁରୀରୋଡ ଅଞ୍ଚଳର ବେଆଇନ ମଦ ବିକ୍ରୟ କରୁଥିବା ସୁଶାନ୍ତ ଜେନାକୁ ଗିରଫ କରାଯାଇଥିବାବେଳେ ବାଲିପୋଖରୀ ଅଞ୍ଚଳର ସରୋଜ କୁମାର ବେହେରାଙ୍କୁ ପୁଲିସ ଗିରଫ କରିଛି । ଏନେଇ ଓଡିଶା ଅବକାରୀ ଆଇନ ଅନୁଯାୟୀ ୧୮/୨୧ ଓ୧୯/୨୧ରେ ମାମଲା ରୁଜୁ କରାଯାଇଥିବାବେଳେ ଦୁଇ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି ।