ମାତୃଗିରିରେ ୨୦୧୯ ବାର୍ଷିକ କ୍ରୀଡା ଉତ୍ସବ

ବୁଗୁଡା , (ଯୁଗାବ୍ଦ ନ୍ୟଜ): ଗଞ୍ଜାମ ଜିଲ୍ଲା ବୁଗୁଡା ବ୍ଲକ ଅନ୍ତର୍ଗତ ବାଲିପଦର ମାତୃଗିରିରେ ପ୍ରତିଷ୍ଠିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ୨୦୧୯ ବାର୍ଷିକ କ୍ରୀଡା ଉତ୍ସବ ଗୁରୁବାର ଦିନ ଉଦଘାଟିତ ହୋଇଯାଇଛି।ଏହି କ୍ରୀଡା ଉତ୍ସବ ଶ୍ରୀ ଅରବିନ୍ଦଙ୍କ ମହାପ୍ରୟାଣ ଦିବସ ଠାରୁ ଆରମ୍ଭ ହୋଇ ମହାସମାଧି ଦିବସ ଡିସେମ୍ବର ୯ ତାରିଖ ଦିନ ଶେଷ ହେବ।ଆଜିର ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବାଲିପଦର ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଡ଼ଃ ବି ପ୍ରକାଶ ଚନ୍ଦ୍ର ପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମିତି ସଭ୍ୟ ମହିନ୍ଦ୍ର ପ୍ରସାଦ ପଣ୍ଡା,ଉମା ଶଙ୍କର ନାୟକ ଓ ଇଂ ସର୍ଭିସି ଆଚାରୀ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ।ପ୍ରଥମେ ନିରବ ଧ୍ୟାନ, ମାତୃ ପ୍ରାର୍ଥନା ମାତୃବାଣୀ ପ୍ରଭୃତି ପରେ ମୁଖ୍ୟ ଅତିଥିଙ୍କ ଠାରୁ କ୍ରୀଡା ମଶାଲ ଗ୍ରହଣ କରିବା ପରେ ଛାତ୍ରୀ ଛାତ୍ର ବୃନ୍ଦ ମାର୍ଚ୍ଚଫାଷ୍ଟ କରିଥିଲେ।ପ୍ରଥମ ଦିନରେ ୧୦୦ ଓ ୨୦୦ ମିଟର ଦୌଡ଼ ପ୍ରତିଯୋଗିତା ଅନୁଷ୍ଟିତ ହୋଇଥିଲା।ଶିକ୍ଷାନୁଷ୍ଠାନର ଅଧ୍ୟକ୍ଷ ରତ୍ନାକର ମହାରଣା କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ଅପା ଓ ଭାଇ ମାନେ ପରିଚାଳନାରେ ସହଯୋଗ କରିଥିଲେ।