ମାନସିକ ମହିଳାଙ୍କ ସହ ଦୁଷ୍କର୍ମ କରି କାର ଚାଳକ ଗିରଫ
କୋଲକାତା: କୋଲକାତାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଜଣେ ମାନସିକ ମହିଳାଙ୍କୁ ଦୁଷ୍କର୍ମ ଅଭିଯୋଗରେ ଜଣେ ଅଟୋ ଚାଳକଙ୍କୁ ପୋଲିସ ଗିରଫ କରିଛି । ମିଳିଥିବା ଖବର ଅନୁଯାୟୀ ମହିଳା ଜଣକ ଆଶ୍ରୟ ସ୍ଥଳିତରେ ରହୁଥିଲେ । ମହିଳା ଜଣକ ଆଶ୍ରୟ ସ୍ଥଳିରୁ ବାହାରି ପଳାଇଯିବା ପରେ ଏପରି ଏକ ହୃଦୟବିଦାରକ ଅଘଟଣ ଘଟିଛି । ୩୬ ବର୍ଷିୟା ପିଡିତା ମହିଳା ଜଣକ ପଞ୍ଚସୟାର ଆଶ୍ରୟ ଗୃହରେ ରହୁଥିଲେ ବୋଲି ଜଣାପଡିଛି । ପିଡିତା ଜଣକ ପୋଲିସ ନିକଟରେ ଅଭିଯୋଗ କରିଛନ୍ତି ଯେ ରବିବାର ବିଳମ୍ବିତ ରାତିରେ ଆଶ୍ରୟ ସ୍ଥଳିରୁ ସେ ଗୋଡ ବାହାରକୁ କାଢିବା ପରେ ତାଙ୍କୁ କିଛି ଯୁବକ କାରଭିତରେ ବସିବାକୁ ବାଧ୍ୟ କରିଥିଲେ । ଏହା ପରେ କିଛି ଦୂର କାରରେ ନେବା ପରେ ତାଙ୍କ ପ୍ରତି ଦୁଷ୍କର୍ମ କରିବା ପରେ ତାଙ୍କୁ ଗାଡିରୁ ଧକ୍କା ଦେଇ ବାହାର କରିଦେଇଥିବା ପିଡିତା ଜଣକ ନିଜର ବୟାନରେ ଉଲ୍ଲେଖ କରିଛନ୍ତି । ପୋଲିସ ତରଫରୁ ତଦନ୍ତ ପରେ ନରେନ୍ଦ୍ର ପୁରର ଅଭିଯୁକ୍ତଙ୍କୁ ଗିରଫ କରାଯାଇଥିବା ଜଣାପଡିଛି ।
