ମା ବନ ଦୁର୍ଗା ମନ୍ଦିର ପ୍ରତିଷ୍ଠା ର ସୁବର୍ଣ୍ଣ ଜୟନ୍ତୀ, ଶ୍ରଦ୍ଧାଳୁ ଙ୍କ ଭିଡ଼

ରାଇକିଆ, (ପ୍ରଦୀପ ବେହେରା):ରାଇକିଆ ର ପ୍ରତିଷ୍ଠିତ ଦେବୀ ମା ବନ ଦୁର୍ଗା ଙ୍କ ର ମନ୍ଦିର ପ୍ରତିଷ୍ଠା ର ସୁବର୍ଣ୍ଣ ଜୟନ୍ତୀ ଶୁକ୍ରବାର ଅନୁଷ୍ଠିତ ହୋଇଯାଇଛି । ଏହାକୁ ଅତ୍ୟନ୍ତ ଜାକଜକମ ରେ ପାଳନ କରିଛନ୍ତି ରାଇକିଆ ବାସୀ । ପ୍ରତ୍ୟେକ ବର୍ଷ ଆଶ୍ଵିନ ମାସ ଶୁକ୍ଳ ପକ୍ଷ ଦ୍ଵିତୀୟା ତିଥି ରେ ମା ଙ୍କ ଜନ୍ମୋତ୍ସବ ପାଳିତ ହୋଇଥାଏ । ଚଳିତ ବର୍ଷ ମନ୍ଦିର ପ୍ରତିଷ୍ଠା ର ୫୦ ବର୍ଷ ପୂର୍ତ୍ତି ହୋଇଛି । ଏଥି ପାଇଁ ରାଇକିଆ ସହର ଚଳଚଞ୍ଚଳ ହୋଇଉଠିଛି । ସକାଳୁ ମନ୍ଦିର ରେ ଭକ୍ତ ଙ୍କ ଭିଡ଼ ଲାଗିବା ସହ ପୂଜାର୍ଚ୍ଚନା, ହୋମ ଯଜ୍ଞ ହୋଇଥିଲା । ସନ୍ଧ୍ୟା ରେ ସାମୂହିକ ପୂଜା ଆଳତୀ ଓ ପ୍ରସାଦ ସେବନ କାର୍ଯ୍ୟକ୍ରମ ରେ ବହୁ ସଂଖ୍ୟାରେ ଭକ୍ତ ସମିଲ ହୋଇଥିଲେ । କାର୍ଯ୍ୟକ୍ରମକୁ ବ୍ଲକ୍ ର ବିଭିନ୍ନ ଅଞ୍ଚଳ ରେ ଥିବା ଗ୍ରାମ୍ୟ ଦେବାଦେବୀ ମନ୍ଦୀର କମିଟି କୁ ମଧ୍ୟ ନିମନ୍ତ୍ରଣ କରାଯାଇଥିଲା । ଅନ୍ୟ ପକ୍ଷରେ ଆସନ୍ତା ୯ ତାରିଖ ରୁ ୧୬ ତାରିଖ ପର୍ଯ୍ୟନ୍ତ ଦଶହରା ଉତ୍ସବ ପାଇଁ ମଧ୍ୟ କମିଟି ସଭାପତି ସତ୍ୟବାନ୍ ପାତ୍ର ଙ୍କ ତତ୍ତ୍ଵାବଧାନରେ ବ୍ୟାପକ ଅୟୋଜନ କରାଯାଇଅଛି । ଆକର୍ଷଣୀୟ ତୋରଣ ସାଙ୍ଗକୁ ରଙ୍ଗାରଙ୍ଗ କାର୍ଯ୍ୟକ୍ରମ ପାଇଁ କମିଟି ପକ୍ଷରୁ ବ୍ୟବସ୍ଥା କରାଯାଇଅଛି । ବିଭିନ୍ନ ପର୍ଯ୍ୟାୟ ରେ ସାଂସ୍କୃତିକ କାର୍ଯ୍ୟକ୍ରମ ଓ ପୌରାଣିକ ନାଟକ ପରିବେଷଣର ଅୟୋଜନ କରାଯାଉଥିବା କମିଟି ସମ୍ପାଦକ ସନ୍ତୋଷ ଲେଙ୍କା ପ୍ରକାଶ କରିଛନ୍ତି ।