ଯୁବତୀଙ୍କୁ ଅଶ୍ଳୀଳ ଆଚରଣ ସହ ଫଟୋ ଓ ଭିଡିଓ ଭାଇରାଲ କରିବା ଧମକ, ଯୁବକ ଗିରଫ

ହିଞ୍ଜିଳିକାଟୁ, (ଶେଷଦେବ ସାହୁ):ହିଞ୍ଜିଳି ଥାନା ତହଁର ଗ୍ରାମର ଜଣେ ଯୁବକ ସେହି ଗ୍ରାମର ଜଣେ ଯୁବତୀଙ୍କୁ ପ୍ରେମ ଜାଲରେ ଫସାଇଥିଲେ । ପରେ ସାଥୀ ହୋଇ ଫେରାର ହେବାକୁ ଯୁବତୀଙ୍କୁ ବାଧ୍ୟ କରିଥିଲେ । ଯୁବତୀ ଜଣଙ୍କ ଏଥିରେ ରାଜି ନହେବାରୁ ଯୁବକ ଜଣଙ୍କ ଯୁବତୀଙ୍କୁ କଲେଜ ଯିବା ବାଟରେ ଟଣାଓଟରା କରିବା ସହ ଯୁବତୀଙ୍କ ଫଟୋ ଓ ଭିଡିଓ ଭାଇରାଲ କରିବା ଧମକ େଉଥିବା ନେଇ ଯୁବତୀ ଜଣଙ୍କ ହିଞ୍ଜିଳି ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଭିତ୍ତିରେ ହିଞ୍ଜିଳି ଥାନା କେସ ନଂ- ୨୫୧/୨୩ରେ ଏକ ମାମଲା ରୁଜୁ କରି ପୁଲିସ ଘଟଣାର ତଦନ୍ତ କରି ଜଣେ ଯୁବକଙ୍କୁ ଗିରଫ କରିଛି । ଗିରଫ ଯୁବକ ଜଣଙ୍କ ହିଞ୍ଜିଳି ଥାନା ତହଁର ଗ୍ରାମର ଅନିଲ ତାରିଣୀ । ଗିରଫ ଯୁବକଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସଙ୍କ ସୂତ୍ରରୁ ପ୍ରକାଶ ।ସୂଚନା ପ୍ରକାରେ, ତହଁର ଗ୍ରାମର ଅନିଲ ସେହି ଗ୍ରାମର ଜଣେ ଯୁବତୀଙ୍କୁ ଗତ ୨ ବର୍ଷ ହେଲା ଭଲ ପାଇ ଆସୁଥିଲା । ଗତ କିଛି ଦିନ ପୂର୍ବେ ଯୁବକ ଜଣଙ୍କ ସଂପୃକ୍ତ ଯୁବତୀଙ୍କୁ ବିବାହର ପ୍ରତିଶୃତି ଦେବା ସହ ଦୁହେଁ ଘର ଛାଡି ଫେରାର ହେବା ପାଇଁ ଯୁବତୀଙ୍କୁ ବାଧ୍ୟ କରିଥିଲେ । ଯୁବତୀ ଜଣଙ୍କ ଏଥିରେ ରାଜି ନହେବାରୁ ଯୁବକ ଜଣଙ୍କ ଇର୍ଷା ପରାୟଣ ହୋଇ ଯୁବତୀ ଜଣଙ୍କ କଲେଜ ଯିବା ସମୟରେ ଏକୁଟିଆ ଦେଖି ଟଣାଓଟଣା କରିବା ସହ ଯୁବତୀଙ୍କ ମୋବାଇଲକୁ ଝାମ୍ପି ନେଇ ଯାଇଥିଲେ । ପରେ ଦୁହିଙ୍କ ବିଭିନ୍ନ ଫଟୋ ଓ ଭିଡିଓକୁ ଯୁବତୀଙ୍କ ସର୍ମ୍ପକୀୟଙ୍କ ମୋବାଇଲକୁ ଛାଡିବା ସହ ସାମାଜିକ ଗଣମାଧ୍ୟମରେ ଭାଇରାଲ କରିବାର ଧମକ ଦେଉଥିବା ନେଇ ଯୁବତୀ ଜଣଙ୍କ ହିଞ୍ଜିଳି ଥାନାରେ ଅଭିଯୋଗ କରିଛନ୍ତି ।