ରାଜ୍ୟସ୍ତରୀୟ ବକ୍ସିଂ ସିନିୟର ଏଲିଟ୍ ମହିଳା ଏବଂ ପୁରୁଷ ପ୍ରତିଯୋଗିତା ପାଇଁ ଚୟନ ଶିବିର

ବ୍ରହ୍ମପୁର,(ଅନିଲ କୁମାର): ଚଳିତମାସ 14/12/2024 ଠାରୁ 15/12/2024ରେ ରାଉରକେଲା ଠାରେ ରାଜ୍ୟସ୍ତରୀୟ ବକ୍ସିଂ ସିନିୟର ଏଲିଟ୍ ମହିଳା ଏବଂ ପୁରୁଷ ପ୍ରତିଯୋଗିତା ଅନୁଷ୍ଠିତ ହେବ। ଏହି ପ୍ରତିଯୋଗିତାରେ ଭାଗ ନେବା ପାଇଁ ଜିଲ୍ଲାସ୍ତରୀୟ ବକ୍ସିଂ ସିନିୟର ଏଲିଟ୍ ମହିଳା ଏବଂ ପୁରୁଷ ଚୟନ ଶିବିର 08/12/2024 ବ୍ରହ୍ମପୁର ସ୍ଥିତ ବ୍ରହ୍ମପୁର ମହାତ୍ମା ଗାନ୍ଧୀ ଷ୍ଟାଡିୟମ ଠାରେ ଆୟୋଜିତ ହେବ । ଏହି ଚୟନ ଶିବିର ରେ ଭାଗ ନେବା ପାଇଁ ଉକ୍ତ ଦିନ ସକାଳ ୮ ଘଣ୍ଟା ପୂର୍ବରୁ ନିଜ ଜନ୍ମ ପରିଚୟ ପ୍ରମାଣ ପତ୍ର, ପାସପୋର୍ଟ ସାଇଜ ୨ଟି ଫୋଟୋ ଏବଂ ଆଧାର କାର୍ଡ ନେଇ ବ୍ରହ୍ମପୁର ଷ୍ଟାଡିୟମ ଠାରେ ଶ୍ରୀ ଶିଶିର କୁମାର ପାଣିଗ୍ରାହୀ ଏଵଂ କେ. ପ୍ରଭାକର ରାଓ ଙ୍କ ସହ ଯୋଗାଯୋଗ କରନ୍ତୁ। ଏହି ଶିବିର ରେ ସମଗ୍ର ଜିଲ୍ଲାର ସବୁ ବ୍ଲକ, ସବୁ କ୍ଲବ୍, ସବୁ ଆସୋସିଏସନ୍ ତଥା ସବୁ ଗ୍ରାମ, ସ୍କୁଲ , କଲେଜ ଏବଂ ସହରରୁ ଇଛୁକ ବକ୍ସର ଯୋଗ ଦେଇ ପାରିବେ ବୋଲି ଗଞ୍ଜାମ ଜିଲ୍ଲା ଅଥଲେଟିକ ଆସୋସିଏସନ୍ର ସମ୍ପାଦକ ଜେ.କାମେଶ୍ଵର ରାଓ ଜଣାଇଛନ୍ତି।