ରେଳ ପ୍ଲାଟଫର୍ମରୁ ଅଜଣା ବ୍ୟକ୍ତିଙ୍କ ଝୁଲନ୍ତା ଶବ ଉଦ୍ଧାର

ଛତ୍ରପୁର, (ଦେବଦତ୍ତ ମହାରଣା):ଗଞ୍ଜାମ ଜିଲ୍ଲା ସଦର ମହକୁମା ଛତ୍ରପୁର ରେଳ ଷ୍ଟେସନରେ ସୋମବାର ସକାଳୁ ଏକ ଅଜଣା ବ୍ୟକ୍ତିଙ୍କ ମୃତ ଦେହ ଝୁଲନ୍ତା ଅବସ୍ଥାରେ ଥିବା ଦେଖିବାକୁ ମିଳିଛି । ଏକ ଗାମୁଛା ରେ ତାଙ୍କ ବେକ ଝୁଲି ରହିଥିବା ବେଳେ ତାଙ୍କର ଦୁଇଟି ଗୋଡ ତଳେ ଲାଗି ରହିଛି । ଯାହାକୁ ନେଇ ତାଙ୍କୁ ହତ୍ୟା କରାଯାଉଥିବା ସନ୍ଦେହ କରାଯାଉଛି । ସୂଚନା ଥାଉ କି, ରେଳ ଷ୍ଟେସନର ପ୍ଲାଟଫର୍ମ ରେ ଏଭଳି ଘଟଣା କେମିତି ଘଟିଲା ତାହା ଏବେ ଚର୍ଚ୍ଚାର ବିଷୟ ପାଲଟିଛି । ମୃତ ଯୁବକଙ୍କ ବୟସ ପାଖାପାଖି ୩୦ ହୋଇଥିବ ବୋଲି ଅନୁମାନ କରାଯାଉଛି, ତାଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ । ତେବେ ଏହା ପ୍ରକୃତରେ ଆତ୍ମ ହତ୍ୟା ନା ଯୁବକଙ୍କୁ କେହି ଦୁର୍ବୁତ୍ତ ହତ୍ୟା କରିଛି ସେନେଇ ଅଧିକ ତଦନ୍ତ ଜାରି ରଖିଛି ଜିଆରପି ପୋଲିସ୍ । ଏହାସହିତ ମୃତ ଦେହକୁ ଜିଆରପି ପୋଲିସ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି ।