ଷଣ୍ଢମୂଳରୁ ବିପୁଳ ପରିମାଣର ଚୋରା ମଦ ଜବତ୨ ଗିରଫ ଜଣେ ଫେରାର

କୋଦଳା, (ଗୁଲସନ କୁମାର କର):ଗଞ୍ଜାମ ଜିଲ୍ଲା ବେଗୁନିଆପଡା ଥାନା ଅନ୍ତର୍ଗତ ଷଣ୍ଢମୂଳ ଗ୍ରାମରୁ ବିପୁଳ ପରିମାଣର ଚୋରା ମଦ ଜବତ ହୋଇଛି। ଅବକାରୀ ମୋବାଇଲ ସ୍କ୍ବାର୍ଡ ଚଢାଉ କରି ୫୨୦ ଲିଟର ଚୋରା ମଦ ଜବତ କରିଥିବା ବେଳେ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ହୋଇଥିବା ଅଭିଯୁକ୍ତ ମାନେ ମରେଇ ନୂଆଁ ଗାଁ ଓ ବେରୁଆଁବାଡିର ବୋଲି ଜଣାପଡିଛି। ଟୁନା ଦାସ ନାମକ ଅଭିଯୁକ୍ତ ବେରୁଆଁବାଡିର ହୋଇଥିବା ବେଳେ ନିରଞ୍ଜନ ଶବର ମରେଇ ନୂଆଁ ଗାଁ ର ବୋଲି ସୂଚନା ମିଳିଛି। ନିରଞ୍ଜନଙ୍କ ଠାରୁ ୪୦୦ ଲିଟର ଚୋରା ଦେଶୀ ମଦ ସହ ଗୋଟିଏ ବାଇକ୍ ଜବତ କରାଯାଇଛି। ସେପଟେ ଅନ୍ଯ ଜଣେ ଅଭିଯୁକ୍ତ ବାଇକ୍ ଛାଡି ଘଟଣା ସ୍ଥଳରୁ ଖସି ଚାଲି ଯାଇଥିବା ବେଳେ ତାଙ୍କର ବାଇକ୍ ସହ ୮୦ ଲିଟର ମଦକୁ ଜବତ କରାଯାଇଛି। ୨ ଅଭିଯୁକ୍ତଙ୍କୁ ଗିରଫ ପରେ କୋର୍ଟ ଚାଲାଣ କରାଯିବ ବୋଲି କହିଛନ୍ତି ଅବକାରୀ ବିଭାଗ ପକ୍ଷରୁ ସୂଚନା ମିଳିଛି।