ସଡକ ସୁରକ୍ଷା ସଚେତନତା କାର୍ଯ୍ୟକ୍ରମରେ ସାଇକେଲ କ୍ଲବ ସମ୍ବର୍ନ୍ଧିତ

କେନ୍ଦ୍ରାପଡା, (ଚିତ୍ତରଞ୍ଜନ ଦାସ): କେନ୍ଦ୍ରାପଡା ଆଂଚଳିକ ପରିବହନ କାର୍ଯ୍ୟାଳୟ ପକ୍ଷରୁ ଅନୁଷ୍ଠିତ ସଡକ ସୁରକ୍ଷା ମାସର ଉଯାପନୀ ଦିବସ ଉଯାପନୀ ଉତ୍ସବରେ “କେନ୍ଦ୍ରାପଡା ସାଇକେଲ କ୍ଲବ”କୁ ସମ୍ବର୍ନ୍ଧିତ କରାଯାଇଛି । ଏହି ଉପଲକ୍ଷେ ଆଂଚଳିକ ପରିବହନ କାର୍ଯ୍ୟାଳୟ ପରିସରରେ ଅନୁଷ୍ଠିତ ଉଯାପନୀ ଉତ୍ସବରେ ଆଇନଜୀବି ବିଧୁଭୂଷଣ ମହାପାତ୍ରଙ୍କ ଅଧ୍ୟକ୍ଷତା କରିଥିଲେ । ଅତିରିକ୍ତ ଜିଲ୍ଲାପାଳ ନରହରି ସେଠୀ ଏଥିରେ ମୁଖ୍ୟ ଅତିଥି ଭାବେ ଯୋଗଦେଇ ସଡକ ସୁରକ୍ଷା ଅବସରରେ ସମସ୍ତେ ସଚେତନ ହୋଇ ଗାଡି ଚଳାଇଲେ ଦୁର୍ଘଟଣାକୁ ହ୍ରାସ କରାଯାଇପାରିବ ବୋଲି ପରାମର୍ଶ ଦେଇଥିଲେ । ଆଂଚଳିକ ପରିବହନ ଅଧିକାରୀ ଇଂ ନିଖିଳ କୁମାର ପଟ୍ଟନାୟକ, ସଦର ଥାନା ଇନିସପେକ୍ଟର ପ୍ରମୋଦ କୁମାର ମଲ୍ଲିକ ପ୍ରମୁଖ ଅତିଥି ଭାବେ ଯୋଗଦେଇ ସଡକ ସୁରକ୍ଷା ସଂପର୍କରେ ବକ୍ତବ୍ୟ ରଖିଥିଲେ । ଏହି ଅବସରରେ ସଚେତନତା କାର୍ଯ୍ୟକ୍ରମରେ ଉଲ୍ଲେଖନୀୟ ଅବଦାନ ରଖିଥିବା “କେନ୍ଦ୍ରାପଡା ସାଇକେଲ କ୍ଲବ”କୁ ପ୍ରମାଣପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । ଏଥିସହିତ ବିଭିନ୍ନ ସାମାଜିକ ଅନୁଷ୍ଠାନ ଓ ଛାତ୍ରଛାତ୍ରୀମାନଙ୍କୁ ମଧ୍ୟ ପୁରସ୍କୃତ କରାଯାଇଥିଲା । ସାଇକେଲ କ୍ଲବ ପକ୍ଷରୁ ମାତୃଦତ୍ତ ମହାନ୍ତି, ବିରେନ ଦାସ, ପ୍ରଶାନ୍ତ କୁମାର ନାୟକ ପ୍ରମୁଖ ପ୍ରମାଣପତ୍ର ଗ୍ରହଣ କରିଥିଲେ ।