ସରସ୍ୱତୀ ଶିଶୁ ମନ୍ଦିରର ବାର୍ଷିକ କ୍ରୀଡା ଉତ୍ସବ

ବନ୍ତ, (ଚାନ୍ଦିନୀ ମହାନ୍ତି):ବନ୍ତ ବ୍ଲକ ଗୋପିନାଥପୁର ପଞ୍ଚାୟତ ସାହୁପଡାସ୍ଥିତ ସରସ୍ୱତୀ ଶିଶୁ ମନ୍ଦିରରେ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ସଭାପତି ରତ୍ନାକର ନାୟକଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଅବସରପ୍ରାପ୍ତ ସୈନିକ ତଥା ଜିଲା ଯୋଗ ଗୁରୁ ଧରଣୀଧର କର ଯୋଗ ଦେଇ ପିଲା ମାନେ କ୍ରୀଡା କ୍ଷେତ୍ରରେ ପାରଦର୍ଶିତା ଅର୍ଜ୍ଜନ କରି ନିଜ ପରିବାର ତଥା ଅଞ୍ଚଳର ସୁନାମ ଆଣି ପାରିବେ ବୋଲି କହିଥିଲେ । ପ୍ରଧାନ ଆଚାର୍ଯ୍ୟ ମାୟାଧର ଦାସ ଅତିଥି ପରିଚୟ, ସହସମ୍ପାଦକ ଅଶୋକ କୁମାର ଦାସ ଧନ୍ୟବାଦ ଅର୍ପଣ କରିଥିଲେ । ଗୁରୁଜୀ ରମାକାନ୍ତ ମହୁରୀ, ପ୍ରଦୀପ ପାଣିଗ୍ରାହୀ, ଗୁରୁମା ମମତାରାଣୀ ମିଶ୍ର, ସୁମତୀ ସେଠୀ, ରାଜଶ୍ରୀ ବେହେରା, ମମତାରାଣୀ ମହାନ୍ତି, ରଶ୍ମିତା ପାଣିଗ୍ରାହୀ, ରୁନୁଲତା କଟୁଆଳ, ସ୍ୱର୍ଣ୍ଣଲତା ଦଳେଇ, ମନ୍ଦୋଦରୀ ମହାକୁଡ ପ୍ରମୁଖ ସହଯୋଗ କରିଥିଲେ । ଏହି ଅବସରରେ ପିଲା ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା ।