ସାମ୍ବାଦିକଙ୍କ ପିତୃ ବିୟୋଗ

ନିମାପଡ଼ା,(ସନ୍ତୋଷ କୁମାର ଦାଶ):ପୁରୀ ଜିଲ୍ଲା କାକଟପୁର ବ୍ଲକ ପ୍ରାଚୀ ବିହାର ର ସାମ୍ୱାଦିକ ଭାଗବତ ସ୍ୱାଇଁ ଙ୍କ ପିତା ତଥା ବିଶିଷ୍ଟ ବ୍ୟବସାୟୀ କେଳୁଚରଣ ସ୍ୱାଇଁ ( ୭୩) ଙ୍କର ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲ ରେ ଚିକିତ୍ସିତ ଅବସ୍ଥାରେ ଦେହାନ୍ତ ହୋଇଯାଇଛି l ସ୍ବର୍ଗତଃ ସ୍ୱାଇଁ ୧୯୬୦ ମସିହା ରୁ ବ୍ୟବସାୟ ଆରମ୍ଭ କରି କାକଟପୁର ଅଞ୍ଚଳ ରେ ଜଣେ ବିଶିଷ୍ଟ ବ୍ୟବସାୟୀ ଭାବେ ନିଜକୁ ପ୍ରତିଷ୍ଠିତ କରାଇପାରିଥିଲେ ।ଗତ କାଲି ଅପରାହ୍ନ ରେ ସେ ହଠାତ ଅସୁସ୍ଥ ହୋଇପଡିବାରୁ ତାଙ୍କୁ ପ୍ରଥମେ କାକଟପୁର ରେ ପ୍ରାଥମିକ ଚିକିତ୍ସା କରିବାପରେ ଗୁରୁତର ହେବାରୁ ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲ ରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ତାଙ୍କ ର ମୃତ୍ୟୁ ଘଟିଥିଲା।ତାଙ୍କ ମୃତ୍ୟୁ ଖବର ପ୍ରଚାରିତ ହେବାପରେ କାକଟପୁର ଅଞ୍ଚଳ ର ବିଶିଷ୍ଟ ବ୍ୟକ୍ତିମାନଙ୍କ ସହ ବ୍ୟବସାୟୀ ମାନେ ତାଙ୍କ ଶେଷ ଦର୍ଶନ କରିଥିଲେ ।ପରେ ତାଙ୍କ ପାର୍ଥିବ ଶରୀର କୁ ପୁରୀ ସ୍ୱର୍ଗଦ୍ୱାର କୁ ନିଆଯାଇ ଅନ୍ତିମ ସତ୍କାର କରାଯାଇଥିଲା । ଜ୍ୟଷ୍ଠ ପୁତ୍ର ଜ୍ଞାନେନ୍ଦ୍ର ସ୍ୱାଇଁ ମୁଖାଗ୍ନି ଦେଇଥିବା ବେଳେ ତାଙ୍କ ଶବଧାର ନିକଟରେ କନିଷ୍ଠ ପୁତ୍ର ଭାଗ୍ୟଧର , ଜ୍ବାଇଁ ପ୍ରକାଶ ସ୍ୱାଇଁ, ନାତି, ନାତୁଣୀ, ବନ୍ଧୁ ଓ ପରିବାର ବର୍ଗ ଉପସ୍ଥିତ ଥିଲେ । ତାଙ୍କ ମୃତ୍ୟୁ ରେ କାକଟପୁର ଅଞ୍ଚଳ ରେ ଶୋକର ଛାୟା ଖେଳିଯାଇଛି ।