ସୁରଭି’ କାର୍ଯ୍ୟକ୍ରମରେ ମଞ୍ଜୁଲତା ରାଜ୍ୟରେ ପ୍ରଥମ

ହାଟଡିହି, (ବିକାଶ ବିଶ୍ୱାଳ):ଓଡ଼ିଶା ସରକାରଙ୍କ ଦ୍ଵାରା ପ୍ରାୟୋଜିତ ରାଜ୍ୟସ୍ତରୀୟ ‘ସୁରଭି’ କାର୍ଯ୍ୟକ୍ରମରେ ଜପିଦାସ ସରକାରୀ ଉଚ୍ଚ ବିଦ୍ୟାଳୟ, ବଡ଼ରମ୍ପାସ, କେନ୍ଦୁଝରର ଦଶମ ଶ୍ରେଣୀ ଛାତ୍ରୀ କୁମାରୀ ମଞ୍ଜୁଲତା ବାରିକ୍ ପ୍ରବନ୍ଧ ଲିଖନରେ ରାଜ୍ୟରେ ପ୍ରଥମ ସ୍ଥାନ ଅଧିକାର କରି ଗ୍ରାମ, ବିଦ୍ୟାଳୟ ଓ ଜିଲ୍ଲା ପାଇଁ ଗୌରବ ଆଣିଛନ୍ତି। ତାଙ୍କର ଏହି ସଫଳତାରେ ସମଗ୍ର ଅଞ୍ଚଳରେ ଖୁସିର ଲହରୀ ଖେଳି ଯାଇଛି। କୁମାରୀ ମଞ୍ଜୁଲତା କେନ୍ଦୁଝର ଜିଲ୍ଲା ହାଟଡ଼ିହି ପଞ୍ଚାୟତ ସମିତି ଅଧୀନ ନୂଆରମ୍ପାସ ଗ୍ରାମର ବାସିନ୍ଦା ତଥା ପୁଲିସ ବିଭାଗର କର୍ମଚାରୀ ଶ୍ରୀ ସୁଶାନ୍ତ କୁମାର ବାରିକ ଓ ସୁଗୃହିଣୀ ମମତାଙ୍କର ସୁକନ୍ୟା ଅଟନ୍ତି। ତାଙ୍କର ଏହି ସଫଳତା ପାଇଁ ସେ ଗୁରୁଜୀ ଗୁରୁମା, ପିତାମାତା ତଥା ଈଶ୍ୱରଙ୍କୁ କୃତଜ୍ଞତା ଜଣାଇଛନ୍ତି ଏବଂ ଆଗକୁ ଏହି ସଫଳତା ବଜାୟ ରଖିବା ପାଇଁ ପ୍ରୟାସ ଜାରି ରଖିବେ ବୋଲି କହିଛନ୍ତି।