ସ୍କେଚ ପକ୍ଷରୁ ଫଷ୍ଟେକ ପ୍ରଶିକ୍ଷଣ ଶିବିର
କେନ୍ଦ୍ରାପଡା, (ଚିତ୍ତରଞ୍ଜନ ଦାସ) :-ସୁସ୍ଥ ଜୀବନ ପାଇଁ ସ୍ୱାସ୍ଥ୍ୟ ପ୍ରଦ ଖାଦ୍ୟପାନୀୟ ଜରୁରୀ । କିନ୍ତୁ ଏଦିଗରେ ଲୋକମାନଙ୍କ ସଚେତନତା ଅଭାବରୁ ଭେଜାଲ ଓ ଅପମିଶ୍ରଣ ଯୋଗୁଁ ବିଷାକ୍ତ ଖାଦ୍ୟ ସ୍ୱାସ୍ଥ୍ୟହାନୀ କରୁଛି । କେନ୍ଦ୍ର ଓ ରାଜ୍ୟ ସରକାର ସ୍ୱାସ୍ଥ୍ୟପ୍ରଦ ଖାଦ୍ୟ ପ୍ରସ୍ତୁତ ଓ ବିକ୍ରୀବଟାକୁ ସଂସଂଯତ କରିବାକୁ କଠୋର ଆଇନ ପ୍ରଣୟନ ସହ ଜୋରିମାନା, ଦଣ୍ଡବିଧାନ ବ୍ୟବସ୍ଥା ସହ ଫାଷ୍ଟେକ ପ୍ରଶିକ୍ଷଣ ପ୍ରଦାନର ବ୍ୟବସ୍ଥା କରିଛନ୍ତି । ଏହି ଅବସରରେ କେନ୍ଦ୍ରାପଡା ସହରର ଚଉଁରୀ ବ୍ରହ୍ମପୁର ସ୍ଥିତ ପବ୍ଲିକ ରିଡିଂରୁମ ପରିସରରେ ସ୍କେଚ ପକ୍ଷରୁ ଅନୁଷ୍ଠିତ ପ୍ରଶିକ୍ଷଣ ଶିବିରରେ ଜିଲ୍ଲା ସଂଯୋଜକ ପାର୍ଥସାରଥୀ ଷଡଙ୍ଗୀ ସଭାପତିତ୍ୱ କରିଥିଲେ । ଏଥିରେ ମୁଖ୍ୟ ଅତିଥି ଭାବେ ରାଜ୍ୟ ଉଠାଦୋକାନୀ ମହାସଙ୍ଘର ସଭାପତି ସେକ ଅବଦୁଲ୍ଲା , ସମ୍ମାନିତ ଅତିଥି ଭାବେ ସୂଚନା ଅଧିକାର କର୍ମୀ ପ୍ରତାପ ମହାନ୍ତି ଯୋଗଦେଇ ବକ୍ତବ୍ୟ ରଖିଥିଲେ । ଫାଷ୍ଟକ ଟ୍ରେନର ପତିତପାବନ ମହାନ୍ତି ନିରାପଦ ଖାଦ୍ୟର ପ୍ରସ୍ତୁତ, ସଂରକ୍ଷଣ ଓ ବିତରଣ ସମ୍ପର୍କରେ ୫୦ରୁ ଉର୍ଦ୍ଧ୍ୱ ଖାଦ୍ୟ ବ୍ୟବସାୟୀଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ । ଫାଷ୍ଟାକ ଅଭିଯାନର ରାଜ୍ୟ ସଂଯୋଜକ ତଥା ଫୋକସ ଫାଉଣ୍ଡେସନର ଆବାହକ ପ୍ରଦୀପ ମୁଖାର୍ଜୀଙ୍କ ସଂଯୋଜନାରେ ବ୍ଲକ ସଂଯୋଜକ ପ୍ରଦ୍ୟୁମ୍ନ ପଣ୍ଡା, ଜସ୍ମିନ ରଥ, ଅନନ୍ତ ନାରାୟଣ ରଥ, ଅମରବର ବିଶ୍ୱାଳ, ଅବିନାଶ ପଣ୍ଡା ପ୍ରମୁଖ ପରିଚାଳନା କରିଥିଲେ ।
