ସ୍ବର୍ଗତ ଦୈତ୍ୟାରି ପ୍ରତିଭା ସମ୍ମାନ ପାଇଲେ ଡାକ୍ତର ବ୍ରଜ କିଶୋର ବ୍ରହ୍ମା

ଗଞ୍ଜାମ, (ବିନୋଦ ପଲାଇ):ବରିଷ୍ଟ ରାଜନେତା, ସମାଜସେଵୀ ତଥା ପୂର୍ବତନ ବିଧାୟକ ସ୍ୱର୍ଗତ ଦୈତ୍ୟାରି ବେହେରାଙ୍କ ପଞ୍ଚମ ଶ୍ରାଦ୍ଧ ବାର୍ଷିକ, ସ୍ମୃତି ଚାରଣ ଓ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି l ଏହି ଅବସରରେ ବରିଷ୍ଠ ଡାକ୍ତର ବ୍ରଜ କିଶୋର ବ୍ରହ୍ମାଙ୍କୁ ପଞ୍ଚମ ଦୈତ୍ୟାରି ପ୍ରତିଭା ସମ୍ମାନ ପ୍ରଦାନ କରାଯାଇଛି l ଗଞ୍ଜାମ ବ୍ଲକ ଅନ୍ତର୍ଗତ ନିଜସ୍ୱ ଗ୍ରାମ ସୁବଳୟା ଠାରେ ପୂଜ୍ୟପୂଜା ସ୍ମୃତି ପରିଷଦ ଆନୁକୂଲ୍ୟରେ ଏବଂ ପୂର୍ବତନ ବିଧାୟକ ଅଶୋକ ଚୋୖଧିରିଙ୍କ ସଭାପତିତ୍ବରେ ଅନୁଷ୍ଠିତ ଏହି ଶ୍ରାଦ୍ଧ ଦିବସରେ ଅତିଥି ରୂପେ ବ୍ରହ୍ମପୁର ସାଂସଦ ପ୍ରଦୀପ କୁମାର ପାଣିଗ୍ରାହୀ, ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ, ପୂର୍ବତନ ଉପବାଚସ୍ପତି ରାମଚନ୍ଦ୍ର ପଣ୍ଡା, ଗଞ୍ଜାମ ବ୍ଳକ ଅଧକ୍ଷ ଶର୍ମିଷ୍ଠା ପ୍ରଧାନ ଯୋଗଦେଇଥିଲେ l ଶିକ୍ଷାବିତ ବିଜୟ କୁମାର ବିଶ୍ୱାଳଙ୍କ ସଂଯୋଜନାରେ ଅନ୍ୟ ମାନଙ୍କ ମଧ୍ୟରେ ଲୋକସେବକ ମଣ୍ଡଳର ଆଜୀବନ ସଭ୍ୟ ରାଜୁଜେନା , ପୂର୍ବତନ ଅଧକ୍ଷ ସୁବାଷ ଚନ୍ଦ୍ର ପଣ୍ଡା, ରାମଚନ୍ଦ୍ର ବେହେରା, ସିପିଆଇ ନେତା ବଂଶୀ ଗୌଡ଼,ବିଜେପି ଜିଲ୍ଲା ସଭାପତି ସୁବାଷ ଚନ୍ଦ୍ର ସାହୁ, ଆଇଏସ ଆରଡି -ନିର୍ଦେଶକ ସୁଧୀର ରାଉତ, ଶିକ୍ଷାବିତ ଡ଼. ଶଙ୍କର ନାରାୟଣ ବେଜ଼, ସୁବଳଯା କଲେଜ଼ ଅଧକ୍ଷ ସିଏଚ. ସୁଧାକର ଯୋଗଦେଇସ୍ୱର୍ଗତ ବେହେରାଙ୍କ ସ୍ମୃତି ଚାରଣ କରିଥିଲେ l ଶେଷରେ ଧନ୍ୟବାଦ ଅର୍ପଣ କରିଥିଲେ ପ୍ରଧାନ ଶିକ୍ଷକ ପ୍ରଶାନ୍ତ କୁମାର ବେହେରା l ଏହାକୁ ପରିଚାଳନା କରିଥିଲେ ସ୍ୱେଚ୍ଛାସେଵୀ ପୁର୍ଣଚନ୍ଦ୍ର ପଣ୍ଡା, ଯଯାତି କେଶରୀ ନାୟକ, କେଦାର ସ୍ୱାଇଁ ଓ ଶିକ୍ଷକ ଗଣେଶ ଚନ୍ଦ୍ର ବେହେରା l ଏହି ଅବସରରେ ସ୍ୱର୍ଗତ ବେହେରାଙ୍କ ଝିଅ ଶିକ୍ଷୟତ୍ରି ରେଣୁପ୍ରଭା ବେହେରା,ପୁଅ ଶିକ୍ଷକ ପ୍ରସଶ୍ନ ବେହେରା, ପରେଶ ବେହେରା ଯୋଗ ଦେଇଥିଲେ l ପ୍ରାରମ୍ବରେ ମହାବିଦ୍ୟାଳୟ, ଜାତୀୟରାଜପଥ ପାର୍ଶ୍ଵ ଓ ସ୍କୁଲ ପରିସରରେ ଥିବା ସ୍ୱର୍ଗତ ବେହେରାଙ୍କ ପ୍ରତିମୃତ୍ତିରେ ମାଲ୍ୟାଅର୍ପଣ କରିଥିଲେ ଅତିଥି ମାନେ l