ସ୍ୱାଦିଷ୍ଟ ପାଉଁରୁଟିରେ ଜାଲିଆତି ଅଭିଯୋଗ

ବାଲେଶ୍ୱର,(ଯୁଗାବ୍ଦ ନ୍ୟୁଜ୍): ବାଲେଶ୍ୱର ଜିଲ୍ଲା ସମେତ ସହରରେ ଦେନନ୍ଦିନ ଲକ୍ଷଲକ୍ଷ ଟଙ୍କାର ବ୍ରେଡ୍ ବିକ୍ରୟ ହେଉଛି । ଏମିତିକି ବାଲେଶ୍ୱର ସହରରେ ବିଭିନ୍ନ ନାମୀଦାମୀ କମ୍ପାନୀର ପାଉଁରୁଟି ଫେକ୍ଟ୍ରିରୁ ପାଉଁରୁଟି ପ୍ରସ୍ତୁତ କରାଯାଇ ସହରର ବ୍ୟବସାୟୀମାନଙ୍କୁ ବିତରଣ କରାଯାଉଥିବା ବେଳେ ବାହାରୁ ମଧ୍ୟ ଦୈନନ୍ଦିନ ବାଲେଶ୍ୱର ସହରକୁ ଲକ୍ଷଲକ୍ଷ ଟଙ୍କାର ଅତ୍ୟାଧୁନିକ ପାଉଁରୁଟି ବିକ୍ରୟ ପାଇଁ ଆସୁଛି । ହେଲେ ବାଲେଶ୍ୱର ସହର ମଧ୍ୟ ଭାଗରେ ସ୍ୱାଦିଷ୍ଟ କମ୍ପାନୀ ଯିଏକି ପାଉଁରୁଟି ପ୍ରସ୍ତୁତତ କରି ବିକ୍ରୟ କରୁଛି ତାର ଜରିଆରେ ୩୦୦ ଗ୍ରାମ ଓଜନ ଲେଖାଯାଇ ୨୦ଟଙ୍କା ମୂଲ୍ୟ ଧାର୍ଯ୍ୟ କରାଯାଇଥିବା ବେଳେ ବାସ୍ତବ କ୍ଷେତ୍ରରେ ୨୮୬ ଗ୍ରାମ ଓଜନ ରୁଟିକୁ ୨୦ଟଙ୍କା ନିଆଯାଉଛି । ଏଭଳି ଠକେଇ କାର୍ଯ୍ୟକୁ ତଦାରଖ କରିବା ଏବଂ ଧରପଗଡ କରିବା ଓ ଯାଂଚ କରିବା ପାଇଁ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ବର୍ତ୍ତମାନ କେଉଁଠି ତାହା ଜଣାପଡୁନାହିଁ । ହେଲେ ଦୈନନ୍ଦିନ ଗ୍ରାହକ ଏହିଭଳି ଲକ୍ଷଲକ୍ଷ ଟଙ୍କାର ଠକାମୀର ଶିକାର ହେଉଥିବା ଏକ ନୀତିଦିନିଆ ଘଟଣାରେ ପରିଣତ ହୋଇଛି । କର୍ତ୍ତୃପକ୍ଷ ଏ ଦିଗରେ ଦୃଷ୍ଟିଦେବା ସଙ୍ଗେ ସଙ୍ଗେ ଜିଲ୍ଲା ପ୍ରଶାସନ ମଧ୍ୟ ଏ କ୍ଷେତ୍ରରେ ଯାଂଚ ପ୍ରକ୍ରିୟା ଆରମ୍ଭ କରିବା ପାଇଁ ଜନସାଧାରଣଙ୍କ ପକ୍ଷରୁ ଦାବି ହେଉଛି । କାରଣ ଦୈନନ୍ଦିନ ସ୍ୱାଦିଷ୍ଟ କମ୍ପାନୀର ପାଉଁରୁଟି ବାଲେଶ୍ୱରରେ ବ୍ୟବସାୟିକ କ୍ଷେତ୍ରରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛି ।