ହାଟଡିହି ବ୍ଲକରେ ଯୋଗଦେଲେ ନୂତନ ବିଡିଓ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକର ନୂତନ ବିଡିଓ ଭାବେ ଯୋଗଦେଇଛନ୍ତି ରଞ୍ଜନ କୁମାର ପରିଡା। ସେ ପୂର୍ବରୁ ନୟାଗଡ଼ରେ ଡେପୁଟି କଲେକ୍ଟର ଭାବେ କାର୍ଯ୍ୟ କରୁଥିଲେ। ସେ ଆଜି ମା ତାରିଣୀଙ୍କୁ ଦର୍ଶନ କରି ଆସିବା ପରେ ଅପରାହ୍ନ ୩ଟା ବେଳେ ହାଟଡିହି ବ୍ଲକ କାର୍ଯ୍ୟାଳୟରେ ପହଞ୍ଚିବା ପରେ ପୁର୍ବତନ ବିଡ଼ିଓ ସୌମ୍ୟ ଶ୍ରୀ ପାଣିଗ୍ରାହୀ ଓ ବ୍ଲକର କର୍ମଚାରୀ ମାନେ ତାଙ୍କୁ ପୁଷ୍ପଗୁଛ ଦେଇ ସ୍ୱାଗତ କରିଥିଲେ। ପରେ କାର୍ଯ୍ୟଳୟ ପରିସର ପରିଦର୍ଶନ କରି ସମସ୍ତ ବିଭାଗର କର୍ମଚାରୀ ମାନଙ୍କ ସହ ପରିଚିତ ହୋଇଥିଲେ। ସେ ସରକାରଙ୍କ ବିଭିନ୍ନ ଜନ ହୀତକର ଯୋଜନା ଗୁଡିକର ସଫଳ ରୂପାୟନ ଉପରେ ଗୁରୁତ୍ୱ ଦେବେ ବୋଲି କହିଛନ୍ତି। ପରେ ବ୍ଲକର ବିଭିନ୍ନ ପଞ୍ଚାୟତରୁ ଶତାଧିକ ବିଜେପି କର୍ମକର୍ତ୍ତା ନବ ନିଯୁକ୍ତ ବିଡିଓଙ୍କୁ ପୁଷ୍ପଗୁଛ ଦେଇ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ।