୧୫ ବର୍ଷରୁ କମ ବାଳିକା କ୍ରିକେଟ ପାଇଁ ରାଜ୍ୟସ୍ତରକୁ ମନୋନୀତ ହେଲେ ସାଇପ୍ରତୀକ୍ଷା

ହାଟଡିହି, (ବିକାଶ ବିଶ୍ୱାଳ):ଓଡିଶା କ୍ରିକେଟ ଆସୋସିଏସନ ର ୧୫ ବର୍ଷରୁ କମ ବାଳିକା କ୍ରିକେଟ ପାଇଁ ରାଜ୍ୟସ୍ତରକୁ ମନୋନୀତ ହୋଇଛନ୍ତି ଶାସଙ୍ଗ ପଞ୍ଚାୟତ ହାଇସ୍କୁଲର ୯ମ ଶ୍ରେଣୀର ଛାତ୍ରୀ ସାଇପ୍ରତୀକ୍ଷା ଜେନା। କେନ୍ଦୁଝର ଜିଲ୍ଲାରୁ ଦୁଇଜଣ ଛାତ୍ରୀ ତମନ୍ନା ସିଂ ଓ ସାଇ ପ୍ରତୀକ୍ଷା ରାଜ୍ୟ ସ୍ତରକୁ ମନୋନୀତ ହୋଇଛନ୍ତି। କଟକ ବାରବାଟୀ ଷ୍ଟାଡିୟମରେ ଆସନ୍ତା ୨୨ ରୁ ଆରମ୍ଭ ହେଉଥିବା ପ୍ରଶିକ୍ଷଣ ଶିବିରରେ ଯୋଗଦେବା ପାଇଁ ସେମାନଙ୍କୁ ସୁଚ଼ନା ଦିଆଯାଇଛି। ରାଜ୍ୟସ୍ତରକୁ ଜିଲ୍ଲାରୁ ଦୁଇଜଣ ଛାତ୍ରୀ ମନୋନୀତ ହୋଇଥିବାରୁ ଜିଲ୍ଲା କ୍ରିକେଟ ଆସୋସିଏସନର ଗିରିଶ ଚ଼ନ୍ଦ୍ର ହୋତା, ବି.ଇ. ଓ ଓଁକାର ଅନ୍ବେଶ, ଏ.ବି.ଇ.ଓ ପ୍ରମୋଦ କୁମାର ନାୟକ, କ୍ରୀଡା ଶିକ୍ଷକ ଶାନ୍ତନୁ କୁମାର ରାଉତ, ପଦ୍ମନାଭ ସାମଲ, ଜ୍ୟୋସ୍ନାମୟୀ ଭଞ୍ଜ, ଓଷ୍ଟାର ରାଜ୍ୟ ସହ ସମ୍ପାଦକ ମୃତ୍ୟୁଞ୍ଜୟ ପଲେଇ, ପ୍ରଧାନଶିକ୍ଷକ ନବ କିଶୋର ବିଶ୍ୱାଳ, ରାଧାକୃଷ୍ଣ ପତି, ଶିଶିର କୁମାର ବିଶ୍ୱାଳ, ମାଧବାନନ୍ଦ ଜେନା, ପଦ୍ମନାଭ ପଣ୍ଡା, ଲକ୍ଷ୍ମୀକାନ୍ତ ମିଶ୍ର , ପ୍ରତୀପ କୁମାର ସ୍ୱାଇଁ ପ୍ରମୁଖ ସାଇପ୍ରତୀକ୍ଷାଙ୍କୁ ଶୁଭେଚ୍ଛା ଜଣାଇବା ସହିତ ତାଙ୍କର ସଫଳତା କାମନା କରିଛନ୍ତି।