ଅଙ୍ଗନାବାଡ଼ି କର୍ମଚାରୀଙ୍କ ୬ ଦଫା ଦାବି ନେଇ ମୁଖ୍ୟମନ୍ତ୍ରୀଙ୍କ ନିକଟକୁ ସ୍ମାରକ ପତ୍ର

ମୋହନା (ଅଂଶୁମାନ ପଣ୍ଡା): ଅଲ ଓଡ଼ିଶା ଅଙ୍ଗନବାଡି ଲେଡିଜ ୱାର୍କରସ ଆସୋସିସନ ପକ୍ଷରୁ ମୋହନା ଅଙ୍ଗନାବାତି କର୍ମଚାରୀ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ୬ ଦଫା ଦାବି ନେଇ ସମନ୍ୱିତ ଶିଶୁ ବିକାଶ ଯୋଜନା ଅଧିକାରିଣୀ ଲଳିତା ମଲ୍ଲିକଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଛନ୍ତି। କରୋନା ମହାମାରୀ ସମୟରେ ଅଙ୍ଗନାବାଡି କର୍ମୀମାନେ ନିଜ ପରିବାରକୁ ପଛରେ ପକାଇ ଜନ ସାଧାରଣଙ୍କ ସେବା କରିବା ପାଇଁ ଆସି ଅନେକ କର୍ମିଙ୍କ କରୋନାରେ ଆକ୍ରାନ୍ତ ହୋଇ ମୃତ୍ୟୁବରଣ କରିଛନ୍ତି। ସେମାନଙ୍କୁ ସରକାରଙ୍କ ଘୋଷଣା ଅନୁଯାୟୀ ଆଜି ପର୍ଯ୍ୟନ୍ତ ମିଳୁନାହିଁ। ଯାହାଫଳରେ ବର୍ତ୍ତମାନ ସେମାନେ ଘର ଘର ବୁଲି ସ୍ୱାସ୍ଥ୍ୟ ପରୀକ୍ଷା ଯାଞ୍ଚ କରିବାକୁ ନଯିବା ପାଇଁ ସଂଘ ନିଷ୍ଠତି ନେଇଛି । ୬ ଦଫା ଦାବି ସେମାନଙ୍କର ପୁରଣ ହେଲେ ଯାଇ ସେମାନେ କାର୍ଯ୍ୟରେ ଯୋଗ ଦେବେ ବୋଲି ସଂଘ ନିଷ୍ଠତି ନେଇଛି । ଏହି ଦାବିଗୁଡ଼ିକ ହେଲା ସରକାରଙ୍କ ଘୋଷଣା ଅନୁସାରେ ଗତ କରୋନା ସମୟରେ ମୃତ୍ୟୁ. ବରଣ କରିଥିବା ଏବଂ ବର୍ତ୍ତମାନ ମୃତ୍ୟୁ ବରଣ କରିଥିବା ଅଙ୍ଗନବାଡ଼ି କର୍ମଚାରୀ ମାନଙ୍କୁ ୫୦ ଲକ୍ଷ ଟଙ୍ଗା ବୀମା ରାଶି ପ୍ରଦାନ କରାଯିବା ସହ ପେନସନ ସହିତ ପରିବାରର ଜଣଙ୍କୁ ନିଯୁକ୍ତି, ଅଙ୍ଗନାବାଡି କର୍ମଚାରୀମାନଙ୍କୁ କରୋନାଯୋଦ୍ଧା ଘୋଷଣା କରିବା ସହିତ ଚଳିତବର୍ଷ ବୀମାଭୁକ୍ତ କରାଯାଉ ଏବଂ କରୋନା କାର୍ଯ୍ୟ ପାଇଁ ମାସିକ ୫ ହଜାର ଟଙ୍ଗା ସହାୟତା ରାଶି ପ୍ରଦାନ କରାଯାଉ, କର୍ମଚାରୀମାନଙ୍କୁ କରୋନା କିଟ ଯୋଗାଇ ଦିଆଯାଉ ଯେ ପର୍ଯ୍ୟନ୍ତ କିଟ ଯୋଗାଇ ଦିଆଯାଇନାହିଁ ସେ ପର୍ଯ୍ୟନ୍ତ ଫିଲଡ କାମ ବନ୍ଦ କରାଯିବ, କର୍ମଚାରୀମାନଙ୍କୁ ନିୟମିତ ବେତନ ଦିଆଯାଉ ,ଗର୍ଭବତୀ, ପ୍ରସ୍ତୁତି ଓ ୬ମାସ ଏବଂ ୩ ବର୍ଷର ପିଲାଙ୍କୁ ଗରମ ରନ୍ଧା ଖାଦ୍ୟ ଯୋଗାଇବା ପାଇଁ ଯୁଗ୍ଣ ପାସ ବହିରେ ପ୍ରାପ୍ୟ ପରିମାଣରେ ଅଗ୍ରୀମ ୨୦ହଜାର ଓ ୫୦ ହଜାର ଟଙ୍କା ଦିଆଯାଉ, ଘର ଘର ବୁଲି ଖାଦ୍ୟ ଯୋଗାଇବା ପାଇଁ ପରିବହନ ଖର୍ଚ ପ୍ରଦାନ କରାଯାଉ, ସମସ୍ତ ଅଙ୍ଗନାବାଡି କର୍ମଚାରୀ ଓ ପରିବାର ସଦସ୍ୟମାନଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାମିଲ କରାଯାଉ । ଏହି ୬ ଦଫା ଦାବି ପୂରଣ ନହେଲେ ଦ୍ୱିତୀୟ ଲହରୀ କରୋନାରେ କୌଣସି ପ୍ରକାର କୋଭିଡ ସମ୍ବନ୍ଧୀୟ କାର୍ଯ୍ୟକ୍ରମରେ ଯୋଗ ଦେବେ ନାହିଁ ବୋଲି ସଂଘ ପକ୍ଷରୁ କୁହାଯାଇଛି । ଏହାର ନକଲ ମାନ୍ୟବର ମନ୍ତ୍ରୀ ମହିଳା ଓ ଶିଶୁ ବିକାଶ ଯୋଜନା, ସଚିବ, ଜିଲ୍ଲାପାଳଙ୍କୁ ସଂଘ ପକ୍ଷରୁ ପ୍ରେରଣ କରାଯାଇଛି.