ବିବାହିତ ମହିଳାଙ୍କୁ ଦୁଷ୍କର୍ମ , ଅଭିଯୁକ୍ତ ଗିରଫ

ପାରଳାଖେମୁଣ୍ଡି, (ତାରିଣୀ ପଣ୍ଡା):ଗଜପତି ଜିଲ୍ଲା ଅଡ଼ବା ଥାନା ଅନ୍ତର୍ଗତ ମଝିକିରିମ୍ବା ଗ୍ରାମରେ ଜଣେ ବିବାହିତା ମହିଳାଙ୍କୁ ଦୁଷ୍କର୍ମ ହୋଇଥିବା ନେଇ ମହିଳା ଜଣଙ୍କ ଥାନାରେ ଅଭିଯୋଗ କରିଛନ୍ତି। ଏନେଇ ଅଡ଼ବା ଥାନା ପକ୍ଷରୁ ୧୨୯/୨୧ରେ ମାମଲା ରୁଜୁ କରିବା ସହ ତଦନ୍ତ କରି ଅଭିଯୁକ୍ତକୁ ଗିରଫ କରାଯାଇଛି। ମୋହନା ସ୍ୱାସ୍ଥ୍ୟ କେନ୍ଦ୍ରରେ ଡାକ୍ତରୀ ମଇନା କରାଯିବା ପରେ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର କହିଛନ୍ତି । ପୁଲିସ ସୂଚନା ପ୍ରକାରେ ମଝିକିରିମ୍ବା ଗ୍ରାମର ଜଣେ ଯୁବକ ଉକ୍ତ ଗ୍ରାମର ଜଣେ ବିବାହିତା ମହିଳାଙ୍କୁ ୨୦୧୮ମସିହାରେ ସ୍ୱାମୀ ଘରେ ନଥିବା ବେଳେ ମହିଳା ଜତାକୁ ଭୟଭୀତ କରାଇ ଦୁଷ୍କର୍ମ କରିଥିଲେ। ପୁଣି ସୁଯୋଗ ଦେଖି ସ୍ୱାମୀ ଘରେ ନଥିବା ବେଳେ ଭୟଭୀତ କରାଇ ଦୁଷ୍କର୍ମ କରିଥିଲେ। ଶେଷରେ ବିବାହିତା ମହିଳା ଜଣକ ନିଜ ସ୍ୱାମୀଙ୍କୁ ଏ ସମ୍ପର୍କରେ ସବୁ କିଛି କହିବା ପରେ ଅଡ଼ବା ଥାନାରେ ଲିଖିତ ଅଭିଯୋଗ ଦେଇଥିଲେ ।