ଓଡଙ୍ଗରେ ଆମ୍ବେଦରଙ୍କ ଜୟନ୍ତୀ ପାଳିତ

ବନ୍ତ, (ଚାନ୍ଦିନୀ ମହାନ୍ତି):ବନ୍ତ ବ୍ଲକ ଓଡଙ୍ଗ ପଞ୍ଚାୟତ କାର୍ଯ୍ୟାଳୟ ପରିସରରେ ସମ୍ବିଧାନ ପ୍ରଣେତା ଡଃ.ଭୀମରାଓ ଆମ୍ବେଦକରଙ୍କ ୧୩୨ତମ ଜୟନ୍ତୀ ପାଳିତ ହୋଇଯାଇଛି । ପ୍ରାରମ୍ଭରେ ସ୍ଥାନୀୟ ସରପଞ୍ଚ ପତାକା ଉତ୍ତୋଳନ କରିଥିଲେ । ଏଥିରେ ସମିତି ସଭ୍ୟ ଇଂ.ରଜନୀ ଜେନା, ପୂର୍ବତନ ସରପଞ୍ଚ ଧନେଶ୍ୱର ପଢିଆରୀ, ସମାଜସେବୀ ନାରାୟଣ ଚନ୍ଦ୍ର ଦାସ, ଆଇନଜୀବି ଶ୍ୟାମ ସୁନ୍ଦର ଦାସ, ଜିଲା ବହୁଜନ ଟ୍ରଷ୍ଟର ଅଧ୍ୟକ୍ଷ ଇଂ.ରାଜୀବ ଲୋଚନ ଜେନା, ସମାଜସେବୀ ରଘୁନାଥ ପୁହାଣ, ୱାର୍ଡ ସଭ୍ୟ କାହ୍ନୁ ଜେନା, ନାରୀନେତ୍ରୀ ଉମାରାଣୀ ବାରିକ, ତିଳୋତ୍ତମା ଦାସ, ତପସ୍ୱିନୀ ଜେନା ପ୍ରମୁଖ ଆମ୍ବେଦକରଙ୍କ ବହୁମୁଖୀ ପ୍ରତିଭା ଉପରେ ଆଲୋକପାତ କରିଥିଲେ । ଡଃ.ଆମ୍ବେଦକର ସାମାଜିକ ନ୍ୟାୟ, ଆର୍ଥିକ ନ୍ୟାୟ ଓ ପ୍ରଜାତନ୍ତ୍ର କିପରି ମଜବୁତ ହୋଇପାରିବ ସେନେଇ ସମ୍ବିଧାନ ରଚନା କରିଥିଲେ । ଯାହାକୁ ନେଇ ଆଜି ଭାରତ ଆଗକୁ ବଢୁଛି ବୋଲି ଅତିଥି ମାନେ କହିଥିଲେ । କାର୍ଯ୍ୟକ୍ରମ ପରିଚାଳନାରେ ଜଗତକଲ୍ୟାଣ ଜେନା, ପଦ୍ମଲୋଚନ ଜେନା, ଉମାକାନ୍ତ ବାରିକ ସହଯୋଗ କରିଥିଲେ ।