ପୋଲିସ ଟିମ୍କୁ ସଂଘବଦ୍ଧ ଆକ୍ରମଣ ଘଟଣା ଜଣେ ଗିରଫ 

ଦିଗପହଣ୍ଡି,(ଅଳକ ନାଥ ମିଶ୍ର): ଦିଗପହଣ୍ଡି ବ୍ଳକ କରପଡ଼ା ପଞ୍ଚାୟତ ଚୁଡୁଙ୍ଗପୁର ଗ୍ରାମରେ ଗତ ସୋମବାର ସନ୍ଧ୍ୟାରେ ଚାଲିଥିବା ଜୁଆଆଡ୍ଡା ଉପରେ କେ.ନୂଆଗାଁ ଥାନା ପୋଲିସ ଟିମ୍ ଚଢ଼ାଉ କରିଥିଲେ। ଚଢାଉ ସମୟରେ ପୋଲିସ କର୍ମଚାରୀଙ୍କୁ ସଂଘବଦ୍ଧ ଆକ୍ରମଣ କରାଯାଇଥିଲା। ଏଥିରେ ପୋଲିସ ହାବିଲଦାରଙ୍କ ସମେତ କିଛି କନେଷ୍ଟବଳ ଆହାତ ହୋଇଥିଲେ। ଏହି ଘଟଣାରେ ତଦନ୍ତକାରୀ ଅଧିକାରୀ ତଥା ଥାନା ଆଇଆଇସି କିଶୋର କୁମାର ସାମଲ ଦେଓଖାଳି ଗ୍ରାମର ରଜିତ ପ୍ରଧାନଙ୍କୁ ଶନିବାର ଗିରଫ କରି କୋର୍ଟ ଚାଲାଣ କରିଛନ୍ତି। ଘଟଣାଦିନ ପୋଲିସ ଜୁଆଆଡ୍ଡାରୁ ଜଣେ ଜୁଆଡିିଙ୍କୁ ଗିରଫ କରିବା ବେଳେ ପୋଲିସ ଟିମ୍କୁ ସଂଘବଦ୍ଧ ଆକ୍ରମଣ କରାଯାଇଥିଲା। ଚଢାଉ ପୂର୍ବରୁ ସୂଚନା ପାଇ ବହୁ ସଂଖ୍ୟକ ଜୁଆଡ଼ି ଘଟଣାସ୍ଥଳରୁ ଚମ୍ପଟ ମାରିଥିଲେ। ପୋଲିସ ସେଠାରୁ  ୯ ଟି ବାଇକ,ତାସ ମୁଠା ଜବତ କରିଥିଲେ। ଏନେଇ ଥାନା ଏସ.ଆଇ ଜୟନାଥ ପ୍ରଧାନ ଏତଲା ଦେଇଥିଲେ। ଥାନା ମାମଲା ନଂ.୩୬୯/୨୪ ଅନୁଯାୟୀ ଆଇଆଇସି  ମକଦ୍ଦମା ରୁଜୁ କରିଥିଲେ।