ବି.ଏସ୍.ପି.ର ମହାପରିନିର୍ବାଣ ଦିବସ ପାଳିତ
ବାଲେଶ୍ୱର, (ସରୋଜ ପଣ୍ଡା):ବହୁଜନ ସମାଜପାର୍ଟି ତରଫରୁ ଗତ ୬ ତାରିଖ ଦିନ ବାଲେଶ୍ୱର ସ୍ଥିତ ଆମ୍ବେଦକର ଭବନଠାରେ ବାବା ସାହେବ ଡ. ବି.ଆର. ଆମ୍ବେଦକରଙ୍କ ମହାପରିନିର୍ବାଣ ଦିବସ ପାଳିତ ହୋଇଯାଇଛି । ଏଥିରେ ପାର୍ଟିର ବହୁ କର୍ମକର୍ତ୍ତା ଯୋଗଦେଇ ବାବା ସାହେବଙ୍କ ଫଟୋଚିତ୍ରରେ ଶ୍ରଦ୍ଧାସୁମନ ଅର୍ପଣ କରିଥିଲେ । ବିଏସ୍ପି ଜିଲ୍ଲା ସଭାପତି ଡାକ୍ତର ମନୋଜ କିଶୋର ମାଝୀ ବାବାସାହେବଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରି କହିଥିଲେ “ଯେଉଁଦିନ ବହୁଜନ ସମାଜ ପାର୍ଟି କେନ୍ଦ୍ରରେ କ୍ଷମତା ଦଖଲ କରିବ ସେହିଦିନ ଦେଶରେ ବାବାସାହେବଙ୍କ ସ୍ୱପ୍ନ ସାକାର ହେବ ଓ ବିଏସ୍ପିର ପ୍ରତ୍ୟେକ ନୀତି ସର୍ବଜନ ହିତାୟ, ସର୍ବଜନ ସୁଖାୟ ଉପରେ ଆଧାରିତ ।” ବିଏସ୍ପିର ବରିଷ୍ଠ ନେତା ପ୍ରଫୁଲ୍ଲ ଜେନା ଯୋଗଦେଇ କହିଥିଲେ, “ବାବାସାହେବଙ୍କ ଦ୍ୱାରା ଲିଖିତ ସମ୍ବିଧାନ ପୃଥିବୀର ଶ୍ରେଷ୍ଠ ସମ୍ବିଧାନ । କାରଣ ଏହା ଦେଶର ସଂଖ୍ୟାଧିକ ଜନତାଙ୍କୁ ପାଠ ପଢ଼ିବାର ଅଧିକାର, ଅର୍ଥକାରୀ ଫସଲ ଲଗାଇବାର ଅଧିକାର ଓ ବହୁ ଜନକଲ୍ୟାଣକାରୀ ଅଧିକାର ଦେଇଥିବାରୁ ସମ୍ବିଧାନର ସୁରକ୍ଷା ଆମର ଧର୍ମ ତଥା କର୍ତ୍ତବ୍ୟ ।” ସଭା ଶେଷରେ ବିଶିଷ୍ଟ ଆମ୍ବେଦକରବାଦୀ ସମାଜସେବୀ ମନୋରଞ୍ଜନ ମହାଳିକ ସମସ୍ତଙ୍କୁ ଧନ୍ୟବାଦ ଦେଇ କହିଥିଲେ, “ସାମାଜିକ ନ୍ୟାୟର ଅଗ୍ରଦୂତ ବାବାସାହେବ ଡ. ଆମ୍ବେଦକର ନାରୀମାନଙ୍କର ସୁରକ୍ଷା ଓ କଲ୍ୟାଣ ପାଇଁ ବହୁ ଆଇନର ବ୍ୟବସ୍ଥା ସମ୍ବିଧାନରେ କରିଦେଇଯାଇଛନ୍ତି
