ବାରିପଦା ପୌରପାଳିକା ଅବସରପ୍ରାପ୍ତ କର୍ମଚାରୀ ସଂଘର ବୈଠକ
ବାରିପଦା,(ମୁରାରୀ ମୋହନ ମହାପାତ୍ର):ବାରିପଦା ପୌରପାଳିକା ପରିସରରେ ପୌରପାଳିକା ଅବସରପ୍ରାପ୍ତ ଅବସରପ୍ରାପ୍ତ କର୍ମଚାରୀ ସଂଘର ପରିବର୍ଦ୍ଧିତ କାର୍ଯ୍ୟକାରିଣୀ କମିଟି ବୈଠକ ସଭାପତି ତାରାମଣୀ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି. ବୈଠକରେ ଅବସରପ୍ରାପ୍ତ କର୍ମଚାରୀଙ୍କ ବିଭିନ୍ନ ସମସ୍ୟା ଆଲୋଚନା କରାଯିବା ସହ ଅବସରପ୍ରାପ୍ତ ୫୦ ଜଣ କର୍ମଚାରୀଙ୍କ ବକେୟା ଦରମା ଅଦ୍ୟାବଧି ମିଳିନଥିବା ଯୋଗୁଁ କ୍ଷୋଭପ୍ରକାଶ କରାଯାଇ ଯଥାଶୀଘ୍ର ପ୍ରଦାନ କରିବା, ପେନସନ ଠିକ ସମୟରେ ଯୋଗାଇ ଦେବା ଏବଂ ଅବସରପ୍ରାପ୍ତ କର୍ମଚାରୀଙ୍କ ପାଇଁ ଏକ ଅଫିସ ଗୃହ ଯୋଗାଇ ଦେବା ଆଦି ଦାବୀ କରାଯାଇଛି. ବୈଠକରେ ସଂଘର ଉପଦେଷ୍ଟା ନନ୍ଦ କୁମାର ମହାପାତ୍ର ପ୍ରାରମ୍ଭିକ ସୂଚନା ପ୍ରଦାନ ପରେ ସାଧାରଣ ସମ୍ପାଦକ ଉଜ୍ଜ୍ବଳ ବେହେରା ବିବରଣୀ ଉପସ୍ଥାପନ କରିଥିଲେ. ଅନ୍ୟ ମାନଙ୍କ ମଧ୍ୟରେ ହାଡିବନ୍ଧୁ ପଣ୍ଡା, ଅନୁପ ଗିରି, ପଙ୍କଜ ମିଶ୍ର, ଜଗନ୍ନାଥ ଆଚାର୍ଯ୍ୟ, ତରୁଣ ବାରିକ, ନୃସିଂହ ବାରିକ ପ୍ରମୁଖ ଅବସର ପ୍ରାପ୍ତ କର୍ମଚାରୀଙ୍କ ସମସ୍ୟା ବିଷୟରେ ଆଲୋଚନା କରିଥିଲେ.
