ହାପି ହୋଲି

ମନରେ ଭରିଛି

ଦୁନିଆଁର ରଙ୍ଗ

ଖେଳିବାକୁ ବେଳ କାହିଁ,

ପରିସ୍ଥିତି ଆସି

ରଙ୍ଗ ବୋଳି ଦିଏ

କେହି ଜାଣି ପାରେ ନାହିଁ ।

 

ଆଜି ହୋଲି ରଙ୍ଗ

କାଲିକି ନ ଥିବ

ସବୁ ରଙ୍ଗ ଯିବ ଛାଡି,

ମନର ଭିତରେ

ଯେତେ ରଙ୍ଗ ଅଛି

ମାରିବ ନିତି ଲହଡି ।

 

ଦୁଃଖ ଜନ୍ତ୍ରଣାର

ଲହଡି ମାଡରେ

ମୁହଁ ଯିବ କଳା ପଡି,

ହିଂସା କ୍ରୋଧ ରାଗ

ଲହଡି ଉଠିଲେ

ମୁହଁ ଯିବ ନାଲି ପଡି ।

 

ଲାଲ୍ କଳା ରଙ୍ଗ

ଯେଭଳି ଦିଶଇ

ଅନ୍ଯ ରଙ୍ଗ ନ ଦିଶଇ,

ହସ ଖୁସି ମଜା

ଆନନ୍ଦ ଉଲ୍ଲାସ

ପାଇଁ କୋଉ ରଙ୍ଗ କାହିଁ ।

 

ଆସିଛିରେ ହୋଲି

ଦେହେ ରଙ୍ଗ ବୋଳି

ହିଂସା କ୍ରୋଧ ଦୁଃଖ ଭୁଲି,

ଆନନ୍ଦ ଉଲ୍ଲାସ

ମନେ ଭରିଦେବା

ଗାଇ ଗାଇ ହାପି ହୋଲି ।

 

ଗଦାଧର ସାହୁ,

କଙ୍କଡ଼ାଦ୍ଵୀପ,ବ୍ରହ୍ମଗିରି,ପୁରୀ