ବାଲେଶ୍ୱର ସଦରରେ ‘ଆଶୀର୍ବାଦ ଦୀପ’ ପ୍ରଜ୍ୱଳନ
ବାଲେଶ୍ୱର(ସରୋଜ ପଣ୍ଡା): ଭାରତର ଯଶସ୍ୱୀ ପ୍ରଧାନମନ୍ତ୍ରୀ ତଥା ବିଶ୍ୱର ଜନପ୍ରିୟ ନେତା ଶ୍ରୀ ନରେନ୍ଦ୍ର ମୋଦୀଜୀଙ୍କ ୭୬ତମ ଜନ୍ମଦିବସ ଅବସରରେ ଆଜି ବାଲେଶ୍ୱର ସହରର ବାଣେଶ୍ୱର ମନ୍ଦିର ଏବଂ ଫାଣ୍ଡି ଛକସ୍ଥିତ ହନୁମାନ ମନ୍ଦିରରେ ବିଶେଷ ପୂଜାର୍ଚ୍ଚନା ଓ ଆଶୀର୍ବାଦ ଦୀପ ପ୍ରଜ୍ୱଳନ କରାଯାଇଛି। ଏହି ପବିତ୍ର ଅବସରରେ ବାଲେଶ୍ୱର ସଦର ବିଧାୟକ ମାନସ କୁମାର ଦତ୍ତ ପ୍ରଭୁଙ୍କ ନିକଟରେ ପୂଜାର୍ଚ୍ଚନା କରି ମାନନୀୟ ପ୍ରଧାନମନ୍ତ୍ରୀ ଶ୍ରୀ ମୋଦୀଜୀଙ୍କ ଦୀର୍ଘାୟୁ, ସୁସ୍ଥ ଓ ନିରାମୟ ଜୀବନ କାମନା କରିଥିଲେ । ଦେଶର ସେବା ପାଇଁ ତାଙ୍କୁ ଈଶ୍ୱର ଅଧିକ ଶକ୍ତି, ସାମର୍ଥ୍ୟ ଓ ଆଶୀର୍ବାଦ ପ୍ରଦାନ କରନ୍ତୁ ବୋଲି ପ୍ରାର୍ଥନା କରାଯାଇଥିଲା। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଜୀଙ୍କ ସାର୍ବଜନୀନ ଜୀବନ ଦୀର୍ଘ ସମୟ ଧରି ଦେଶସେବା, ଜନସେବା ଓ ରାଷ୍ଟ୍ର ନିର୍ମାଣ ସହିତ ଜଡ଼ିତ ରହିଛି। ଗୁଜରାଟର ମୁଖ୍ୟମନ୍ତ୍ରୀ ଭାବେ ତାଙ୍କର ଦୀର୍ଘ କାର୍ଯ୍ୟକାଳ ପରେ ୨୦୧୪ ମସିହାରୁ ଭାରତର ପ୍ରଧାନମନ୍ତ୍ରୀ ଭାବେ ସେ ଦେଶର ନେତୃତ୍ୱ ଦେଇଆସୁଛନ୍ତି। ତାଙ୍କ ସାର୍ବଜନୀନ ଜୀବନର ଏହି ଦୀର୍ଘ ଯାତ୍ରାରେ ରାଷ୍ଟ୍ର ପ୍ରତି ନିରନ୍ତର ସମର୍ପଣ ତାଙ୍କୁ ଏକ ସ୍ୱତନ୍ତ୍ର ରାଜନୈତିକ ବ୍ୟକ୍ତିତ୍ୱ ଭାବେ ପରିଚିତ କରାଇଛି। ଦେଶର ଅନେକ ଲୋକଙ୍କ ମଧ୍ୟରେ ଶ୍ରୀ ମୋଦୀଜୀଙ୍କ ଜନ୍ମଦିବସକୁ କେବଳ ଏକ ଜନ୍ମଦିନ ଭାବେ ନୁହେଁ, ବରଂ ସେବା, ସମର୍ପଣ ଓ ରାଷ୍ଟ୍ର ନିର୍ମାଣର ସଙ୍କଳ୍ପର ଦିନ ଭାବେ ପାଳନ କରିବାର ଭାବନା ଦେଖିବାକୁ ମିଳୁଛି। ଏହି ଅବସରରେ ଦେଶର ବିଭିନ୍ନ ସ୍ଥାନରେ ଜନସେବାମୂଳକ କାର୍ଯ୍ୟକ୍ରମ, ପୂଜାର୍ଚ୍ଚନା ଓ ବିଭିନ୍ନ ସେବା କାର୍ଯ୍ୟ ଆୟୋଜିତ ହେଉଛି। ବାଲେଶ୍ୱରରେ ଆୟୋଜିତ ‘ଆଶୀର୍ବାଦ ଦୀପ’ ପ୍ରଜ୍ୱଳନ କାର୍ଯ୍ୟକ୍ରମ ମଧ୍ୟ ସେହି ଭାବନାର ଏକ ପ୍ରତୀକ। ଏହି ଦୀପ ମାଧ୍ୟମରେ ପ୍ରଧାନମନ୍ତ୍ରୀଙ୍କ ସୁସ୍ଥତା, ଦୀର୍ଘାୟୁ ଓ ଦେଶସେବା ପାଇଁ ଅବିରତ ଶକ୍ତି କାମନା କରାଯାଇଛି। ବିଧାୟକ ଶ୍ରୀ ମାନସ କୁମାର ଦତ୍ତ କହିଛନ୍ତି ଯେ, “ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଜୀଙ୍କ ଜନ୍ମଦିବସ ଅବସରରେ ଆଜି ବାଲେଶ୍ୱରର ଦେବାଳୟରେ ପୂଜାର୍ଚ୍ଚନା କରି ‘ଆଶୀର୍ବାଦ ଦୀପ’ ପ୍ରଜ୍ୱଳନ କରିବା ଆମ ସମସ୍ତଙ୍କ ପାଇଁ ଏକ ଭକ୍ତି ଓ ଶୁଭକାମନାର ମୁହୂର୍ତ୍ତ। ମାନନୀୟ ପ୍ରଧାନମନ୍ତ୍ରୀ ଦେଶର ସେବାରେ ନିରନ୍ତର ନିୟୋଜିତ ରହି ଏକ ଦୀର୍ଘ ସାର୍ବଜନୀନ ଜୀବନର ଉଦାହରଣ ସୃଷ୍ଟି କରିଛନ୍ତି। ଆଜି ତାଙ୍କ ଜନ୍ମଦିନରେ ମୁଁ ମହାପ୍ରଭୁ ଓ ପ୍ରଭୁ ହନୁମାନଙ୍କ ନିକଟରେ ତାଙ୍କର ଦୀର୍ଘାୟୁ, ଉତ୍ତମ ସ୍ୱାସ୍ଥ୍ୟ ଓ ନିରନ୍ତର ରାଷ୍ଟ୍ରସେବା ପାଇଁ ପ୍ରାର୍ଥନା କରୁଛି। ସେ ଆହୁରି କହିଛନ୍ତି ଯେ, ଆମ ପାଇଁ ଏହି ଆଶୀର୍ବାଦ ଦୀପ କେବଳ ଏକ ଦୀପ ନୁହେଁ; ଏହା ଦେଶ ପ୍ରତି ସମର୍ପଣ, ସେବା ଓ ରାଷ୍ଟ୍ର ନିର୍ମାଣର ସଙ୍କଳ୍ପର ଏକ ପ୍ରତୀକ। ପ୍ରଧାନମନ୍ତ୍ରୀଜୀଙ୍କ ନେତୃତ୍ୱରେ ଭାରତ ଆହୁରି ଶକ୍ତିଶାଳୀ, ସମୃଦ୍ଧ ଓ ବିକଶିତ ରାଷ୍ଟ୍ର ଭାବେ ଆଗକୁ ବଢ଼ୁ,ଏହା ଆଜିର ପବିତ୍ର ଦିନରେ ଆମର ପ୍ରାର୍ଥନା। ଅନ୍ୟ ମାନଙ୍କ ମଧ୍ୟରେ ପର୍ଶୁରାମ ବେହେରା, ରବି ନାରାୟଣ ମହାପାତ୍ର, ଗୌରାଙ୍ଗ ଦାସ, ଗଙ୍ଗାଧର ରାଉତ, ଉପେନ୍ଦ୍ର ଶତପଥୀ, ଚନ୍ଦ୍ରଶେଖର ନନ୍ଦ, ସର୍ବେଶ୍ୱର ମହାନ୍ତି, ଧୀରଜ ମହାନ୍ତି, ସୁଧାଂଶୁ ପଣ୍ଡା, ଚିତ୍ତରଞ୍ଜନ ପଣ୍ଡା, ଭାଗବତ ସାହୁ, ସୀତାକାନ୍ତ ସ୍ୱାଇଁ, ବିଭୂପଦ ଦାସ, ରାଜେନ୍ଦ୍ର ଚାଟାର୍ଜି, ଅନନ୍ତ ନାୟକ, ଲୋକନାଥ ଭୂୟାଁ, ମନହର ପେରିୱାଲ, ସସ୍ମିତା ଦାଶ, ସସ୍ମିତା ନାଥ, ରୋଜାଲିନ ପାଣି, ଶ୍ରୀନିବାସ ପ୍ରଧାନ, ଶ୍ରୀୟା ଦାସ, ପଦ୍ମନି ଅଧିକାରୀ, ନିରୁପମା ଦାଶ, ମନ୍ମଥ ପାତ୍ର, ବାବୁଲି ଧଳ, ଜିତେନ୍ଦ୍ର ପରମାଣିକ, ବବୁଲୁ ମିଶ୍ର, ପ୍ରତାପ ପ୍ରଧାନ, ସବିତା ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ।
