ଦୈତାରୀ ଗୁରୁକୁଳମରେ ଶିଶୁଦିବସ ପାଳିତ

ହାଟଡିହି (ଓ୍ବାଇଏନଏସ): ମୁଗୁପୁର ସ୍ଥିତ ଦୈତାରୀ ଗୁରୁକୁଳମରେ ପବିତ୍ର ଶିଶୁଦିବସ ପାଳିତ ହୋଇଯାଇଛି। ବରିଷ୍ଠ ଜଗନ୍ନାଥ ସଂସ୍କୃତି ଗବେଷକ କବି ଶିବ ପ୍ରସାଦ ଚାନ୍ଦଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବରିଷ୍ଠ ଶିଶୁ ସାହିତ୍ୟି ଲେଖକ ରତ୍ନାକର ଦାସ, ମୁଖ୍ୟ ବକ୍ତା ଭାବେ ଅବସରପ୍ରାପ୍ତ ଶିକ୍ଷକ ଜୟ ନାରାୟଣ ଜଗଦେବ ମହାପାତ୍ର, ସମ୍ମାନିତ ଅତିଥି ଭାବେ କବି ନାରାୟଣ ସାହୁ, ମା ମଙ୍ଗଳା ମହିଳା ଭାଗବତ ଟୁଙ୍ଗୀ କାଠିଆସରାର ସଭାପତି ବିଦ୍ୟୁତ ପ୍ରଭା ଦେଓ, କବି ନିତ୍ୟାନନ୍ଦ ବେହେରା, ଅନୁବାଦକ ଆନନ୍ଦ ଚନ୍ଦ୍ର ଓଝା ପ୍ରମୁଖ ଯୋଗଦେଇ ପିଲା ମାନଙ୍କୁ ଜଣେ ଜଣେ ସୁନାଗରିକ ହେବା ପାଇଁ ଉଦବୋଧନ ଦେଇଥିଲେ। ପ୍ରାରମ୍ଭରେ ଅତିଥି ମାନେ ପ୍ରଦୀପ ପ୍ରଜ୍ଜ୍ୱଳନ କରି ଉଦଘାଟନ କରିବା ପରେ କୁନି କୁନି କଳିକା ମାନେ ସେମାନଙ୍କ କଳା ନୈପୁଣ୍ୟ ପ୍ରଦର୍ଶନ କାରିଥିଲେ। ଶେଷରେ କୁନି କୁନି ଛାତ୍ରଛାତ୍ରୀ ଙ୍କ ଦ୍ୱାରା କୌତୁକ ପ୍ରଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଅବସରରେ ଶିଶୁ କବିତାପାଠୋତ୍ସବ ଅନୁଷ୍ଠିତ ହୋଇଥିଲା। କୈଳାସ ଚନ୍ଦ୍ର ବେହେରା, କୈଳାଶ ଚନ୍ଦ୍ର ରାଉତ, ଚତୁର୍ଭୁଜ ଯେନା, ସୁରେନ୍ଦ୍ର କୁମାର ପରିଡା, ସରଳା ମହାପାତ୍ର, ମୁରଲୀଧର ବେହେରା, ଅନନ୍ତ ଚରଣ ମୁଦୁଲି ପ୍ରମୁଖ ସ୍ବରଚିତ କବିତା ମାନ ଆବୃତ୍ତି କରିଥିବା ବେଳେ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ଗୁରୁକୁଳମର ପ୍ରତିଷ୍ଠାତା ଜନ୍ମେଜୟ ଓଝା ଧନ୍ୟବାଦ ଅର୍ପଣ କରିଥିଲେ।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ