ଦିଗପହଣ୍ଡିର ସ୍ଵୟଂ ସହାୟିକା ରାଜ୍ୟ ସ୍ତରରେ ସମ୍ମାନିତ

ଦିଗପହଣ୍ଡି,(ଅଳକ ନାଥ ମିଶ୍ର) ଦିଗପହଣ୍ଡି ବ୍ଲକ କୈଠଖଣ୍ଡି ଗ୍ରାମର ଶ୍ରୀ ଗଣେଶ ମହିଳା ସ୍ଵୟଂ ସହାୟିକା ଗୋଷ୍ଠୀର ପ୍ରମୁଖ ସଦସ୍ୟା ବିନୁ କୁମାରୀ ଗୌଡ଼ ରାଜ୍ୟ ସ୍ତରରେ ସମ୍ମାନିତ ହୋଇଥିବା ଜଣାପଡିଛି। ଭୁବନେଶ୍ୱର ସ୍ଥିତ ବହୁମୁଖି କଲ୍ୟାଣ ମଣ୍ଡପ ପରିସରରେ ରାଜ୍ୟ ସୁଭଦ୍ରା ଶକ୍ତି ପକ୍ଷରୁ  ପଞ୍ଚମ ଅଡିଟ ସପ୍ତାହ ୨୦୨୫ ଉପଲକ୍ଷେ ଆୟୋଜିତ କାରିଗରୀ ମେଳା ଓ ଖାଦ୍ୟ ମେଳା ରେ ବିନୁ କୁମାରୀ ଙ୍କୁ ସମ୍ମାନିତ କରାଯାଇଥିବା ଜଣାପଡିଛି। ଉଦ୍ୟୋଗୀ ମହିଳା ବିନୁ କୁମାରୀ ଅନ୍ୟ ମହିଳା ସ୍ଵୟଂ ସହାୟିକା ଗୋଷ୍ଠୀର ସଦସ୍ୟା ମାନଙ୍କୁ ନେଇ ଗତ କିଛିବର୍ଷ ହେଲା ଦିଗପହଣ୍ଡି ବ୍ଳକ କାର୍ଯ୍ୟାଳୟ ପରିସରରେ  ମିଶନ ଶକ୍ତି କାଫେ ଖୋଲି ଲୋକଙ୍କୁ ବିଭିନ୍ନ ବ୍ୟଞ୍ଜନର ସୁସ୍ବାଦିଷ୍ଟ ଖାଦ୍ୟ ପରିବେଷଣ କରି ଲୋକଙ୍କ ମନକୁ କିଣି ନେଇଥିବା ବେଳେ ଗଞ୍ଜାମ ଜିଲା ର ବିଭିନ୍ନ ଅଞ୍ଚଳରେ ନିଜ ଦ୍ଵାରା ପ୍ରସ୍ତୁତ ସୁସ୍ବାଦୁ ଖାଦ୍ୟ ପରିବେଷଣ କରି ସମ୍ମାନିତ ହେବା ସହ ପୁରସ୍କୃତ ମଧ୍ୟ ହୋଇଥିବାରୁ ତାଙ୍କୁ ରାଜ୍ୟସ୍ତରୀୟ ଖାଦ୍ୟ ମେଳା ରେ ଅଂଶଗ୍ରହଣ ପାଇଁ ମନୋନୀତ କରାଯାଇଥିଲା । ଖାଦ୍ୟ ମେଳା ରେ ସେ ୧ ଶହରୁ ଊର୍ଦ୍ଧ୍ବ ଖାଦ୍ୟ ବ୍ୟଞ୍ଜନ ପରିବେଷଣ କରି ଶ୍ରେଷ୍ଠ  ବିବେଚିତ ହୋଇ ଉପସ୍ଥିତ ଅତିଥି ମାନଙ୍କ  ଦ୍ୱାରା ସମ୍ମାନିତ ହେବା ସହ  ପୁରସ୍କାର ଗ୍ରହଣ କରିଥିଲେ । ଏହି ରାଜ୍ୟ ସ୍ତରୀୟ ପୁରସ୍କାର ପାଇବା ପରେ ବିଡ଼ିଓ ଅନାମିକା ପାଣ୍ଡେ ଙ୍କ ସମେତ ବ୍ଳକର ସମସ୍ତ ଅଧିକାରୀ,କର୍ମଚାରୀ ତାଙ୍କୁ ଶୁଭେଚ୍ଛା ଜଣାଇଛନ୍ତି ।