ଭୀଷ୍ମଗିରି ରେ ବନ୍ଦେ ମାତରଂ କାର୍ଯ୍ୟକ୍ରମରେ ବିଧାୟକଙ୍କ ଯୋଗଦାନ

ଦିଗପହଣ୍ଡି,(ଅଳକ ନାଥ ମିଶ୍ର): ବନ୍ଦେ ମାତରଂ କବିତା ରଚନାର ୧୫୦ ବର୍ଷ ପୂର୍ତ୍ତି ଅବସରରେ ମଙ୍ଗଳବାର  ଦିଗପହଣ୍ଡି ବିଧାୟକ ଡ. ସିଦ୍ଧାନ୍ତ ମହାପାତ୍ର ଦିଗପହଣ୍ଡି ବ୍ଳକର  ଭୀଷ୍ମଗିରି ଗ୍ରାମକୁ ଗସ୍ତ କରିଥିଲେ।  ବିଧାୟକ  ଗ୍ରାମରେ ପହଞ୍ଚିବା ପରେ ଭାରତୀୟ ଜନତା ପାର୍ଟି ପକ୍ଷରୁ ବିରାଟ ଶୋଭାଯାତ୍ରାରେ ପ୍ରଥମେ ରାମଜୀ ଡିଗ୍ରୀ ମହାବିଦ୍ୟାଳୟକୁ ପାଛୋଟି ନିଆଯାଇଥିଲା । ମହାବିଦ୍ୟାଳୟ ଅଧ୍ୟକ୍ଷ ଡ଼. ନିହାର ରଞ୍ଜନ କର ଏବଂ ଜେନାମଣି ସାହୁଙ୍କ ଉପସ୍ଥିତିରେ ମହାବିଦ୍ୟାଳୟରେ ବନ୍ଦେ ମାତରଂ କବିତା ଗାନ ପରେ ଏହି କବିତାର ରଚିୟତା ଏବଂ କେନ୍ଦ୍ର ସରକାରଙ୍କ ଆତ୍ମ ନିର୍ଭର ଭାରତ କାର୍ଯ୍ୟକ୍ରମ ସମ୍ପର୍କରେ ଆଲୋକପାତ କରିଥିଲେ । ଏହାପରେ ପିଏମ୍ ଶ୍ରୀ ଉଚ୍ଚ ବିଦ୍ୟାଳୟରେ ପହଞ୍ଚି ବ୍ଲକ ଗୋଷ୍ଠୀ ଶିକ୍ଷାଧିକାରୀ ଡ. ଶଙ୍କର ନାରାୟଣ ବେଜ ଏବଂ ବିଦ୍ୟାଳୟ ପ୍ରଧାନ ଶିକ୍ଷକ ମନୋଜ କୁମାର ନାୟକ ଏବଂ ଶିକ୍ଷକ ଶିକ୍ଷୟିତ୍ରୀଙ୍କ ଉପସ୍ଥିତିରେ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରିବା ସହ ନୂତନ ଭାଷାକକ୍ଷ ଓ ଅତିରିକ୍ତ ଶ୍ରେଣୀ ଗୃହର ଭିତ୍ତିପ୍ରସ୍ତର ସ୍ଥାପନ କରିଥିଲେ । ବିଧାୟକଙ୍କ ଏହି ଗସ୍ତ ସମୟରେ ଯନ୍ତ୍ରୀ ଇଂ. ସୁବ୍ରତ ମହାରଣା , ଇଂ. ଉମାକାନ୍ତ ପ୍ରଧାନ , ବିଜେପି ଭୀଷ୍ମଗିରି ମଣ୍ଡଳ ଉପସଭାପତି ଟୁକୁନା ସାହୁ , ପୂର୍ବତନ ମଣ୍ଡଳ ସଭାପତି ସୁଦାମ ବେହେରା , ବିଜେପି ଯୁବମୋର୍ଚ୍ଚା ଜିଲ୍ଲା ଉପସଭାପତି ବାପି ପ୍ରଧାନ , ବିକ୍ରମ ପାତ୍ର ଙ୍କ ସମେତ ମହାବିଦ୍ୟାଳୟ ଏବଂ ଉଚ୍ଚ ବିଦ୍ୟାଳୟର ଛାତ୍ରଛାତ୍ରୀ ଓ ବହୁ ଦଳୀୟ କର୍ମୀ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ  କରିଥିଲେ।