ଏସ. ଏଫ. ଆଇର ଶିଶୁ ଦିବସ ପାଳନ

ଭୁବନେଶ୍ୱର /ପୁରୀ: (ସମୀର ରଞ୍ଜନ ନାୟକ ): ବିଦ୍ୟାଶ୍ରୀ ଶିକ୍ଷାମନ୍ଦିର, ହାତୀଶାଳରେ ଭାରତର ଛାତ୍ର ଫେଡେରେସନ (SFI),ପୁରୀ ଜିଲ୍ଲା କମିଟି ତରଫରୁ  ଶିଶୁ ଦିବସ ମହାଆଡ଼ମ୍ବର ସହ ପାଳନ ହୋଇଯାଇଛି। ଏହି ମହାନ ଦିବସର ମୁଖ୍ୟ ଆକର୍ଷଣ ଥିଲା—“ଆଧୁନିକ ଭାରତ ନିର୍ମାଣରେ ନେହେରୁଙ୍କ ଅବଦାନ” ଶୀର୍ଷକ ପ୍ରସଙ୍ଗ ଉପରେ ବକ୍ତୃତା ଓ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହୋଇଥିଲା ।ପ୍ରବନ୍ଧ ଲିଖନରେ ୩୧ ଜଣ ସ୍କୁଲ ଛାତ୍ର ଛାତ୍ରୀ ଭାଗ ନେଇଥିଲେ । ବକ୍ତୃତାରେ ୯ ଜଣ ଛାତ୍ର ଛାତ୍ରୀ ଭାଗ ନେଇଥିଲେ ।ଏହି କାର୍ଯ୍ୟକ୍ରମରେ ଭାଗନେଇଥିବା ସମସ୍ତ ଛାତ୍ର ଛାତ୍ରୀ ମାନଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା,ପ୍ରବନ୍ଧ ଲିଖନ ଓ ବକୃକ୍ତା ପ୍ରତିଯୋଗିତା ଭଗନେଇଥିବା ସମସ୍ତ ଛାତ୍ର ଛାତ୍ରୀ ମାନଙ୍କୁ ଏସ. ଏଫ. ଆଇ ତରଫରୁ ପ୍ରଶଂସା ପତ୍ର ଓ ପୁରସ୍କାର ବିତରଣ କରାଯାଇଥିଲା।ଛାତ୍ର ନେତା ସରୋଜ କୁମାର ବେହେରାଙ୍କ ସଭାପତିତ୍ବରେ ଆୟୋଜିତ ଆଲୋଚନା ଚକ୍ରରେ ଏସ ଏଫ୍ ଆଇ ରାଜ୍ୟ ଉପଦେଷ୍ଟା ପ୍ରାଧ୍ୟାପକ ସୁରେନ୍ଦ୍ର କୁମାର ଜେନା ବକ୍ତବ୍ୟ ରଖି କହିଲେ -ସମ୍ରାଜ୍ୟବାଦକୁ ନେହେରୁ ବିରୋଧ କରୁଥିଲେ, ନିଜ ଦେଶର ସ୍ୱାଧୀନତା ସହିତ ପ୍ରତ୍ୟକ ଦେଶର ସ୍ୱାଧୀନତା ସାର୍ବଭୌମତ୍ବର ସୁରକ୍ଷା କଥା କହିଥିଲେ। ନେହେରୁ ବିଦ୍ୟାଳୟର ବର୍ଣ୍ଣନା କଲାବେଳେ ବର୍ତ୍ତମାନର ଶାସକ ଗୋଷ୍ଠୀ ମନ୍ଦିରକୁ ବିଦ୍ୟାଳୟ କରିବା ପାଇଁ ଚେଷ୍ଟା କରୁଛନ୍ତି ଏବଂ ବିଜ୍ଞାନ ଓ ପ୍ରଯୁକ୍ତିବିଦ୍ୟାକୁ ଆଧୁନିକ ଭାରତରେ ନେହେରୁ ଗୁରୁତ୍ୱ ଦେଇଥିଲେ ମଧ୍ୟ ଏବର ଶାସକ ବର୍ଗ ଅନ୍ଧକାର ଓ କୁ- ସଂସ୍କାର ମତାନ୍ଧାତା ଉପରେ ଗୁରୁତ୍ୱ ଆରୋପ କରୁଛନ୍ତି।ରାଜ୍ୟ ସମ୍ପାଦକ ଚନ୍ଦନ ସାହୁ ବକ୍ତବ୍ୟ ରଖି କହିଲେ ଯେ  ନେହରୁହିଁ ପରାଧୀନ ଭାରତର ସମସ୍ତ ପ୍ରତିକୂଳ ପରିସ୍ଥିତିକୁ ସାମ୍ନା କରି ଆଧୁନିକ ଭାରତ ଗଢିବା ପାଇଁ ସ୍ବପ୍ନ ଦେଖିଥିଲେ,—ତାହାକୁ ସାର୍ଥକ କରିବାପାଇଁ ଅନବରତ ପ୍ରଚେଷ୍ଟା କରିଥିଲେ। ଆଉ ଉଦ୍ୟମ କରିଥିଲେ ,ଭାରତକୁ ଏକ ସ୍ୱାଧୀନ, ସାର୍ବଭୌମ, ଗଣତାନ୍ତ୍ରିକ ରାଷ୍ଟ୍ର ପରିଣତ କରିବା ପାଇଁ।ପୁରୀ ସହର ଯୁଗ୍ମ ଆବାହକ ରାଜେଶ କୁମାର ମହାନ୍ତି, ଜିଲ୍ଲା ସମ୍ପାଦକ ଶୁଭମ୍ ମହାପାତ୍ର , ବରିଷ୍ଠ ଶିକ୍ଷକ ହୃଦାନନ୍ଦ ସାମନ୍ତରାୟ ଉପସ୍ଥିତ ରହି ବକ୍ତବ୍ୟ ରଖିଥିଲେ।