ଶାସ୍ତ୍ରୀଜୀ କଲଚରାଲ୍ ଆସୋସିଏସନ ସାଲେପୁର ପକ୍ଷରୁ ହାଟଡିହି ବ୍ଲକ ଉପାଧ୍ୟକ୍ଷ ସମ୍ବର୍ଦ୍ଧିତ

ହାଟଡିହି(ଓ୍ବାଇଏନଏସ): ଶାସ୍ତ୍ରୀଜୀ କଲଚରାଲ୍ ଆସୋସିଏସନ ସାଲେପୁର ପକ୍ଷରୁ ହାଟଡିହି ବ୍ଲକ ଉପାଧ୍ୟକ୍ଷ ରତିକାନ୍ତ ରାଉତଙ୍କୁ ଶାସ୍ତ୍ରୀଜୀ ସମ୍ମାନ-୨୦୨୫ରେ ସମ୍ବର୍ଦ୍ଧିତ କରାଯାଇଛି।  ଶାସ୍ତ୍ରୀଜୀ କଲଚରାଲ୍ ଆସୋସିଏସନ ପକ୍ଷରୁ ସଭାପତି ସୁରେନ୍ଦ୍ର ମଲ୍ଲିକଙ୍କ ସଭାପତିତ୍ୱରେ ଆୟୋଜିତ ଉତ୍ସବରେ, ସାଲେପୁର ବିଧାୟକ ପ୍ରଶାନ୍ତ ବେହେରା, ପୂର୍ବତନ ବିଧାୟକ ପ୍ରତାପ ଜେନା, ପ୍ରମୁଖ ଯୋଗଦେଇ ରତିକାନ୍ତ ରାଉତଙ୍କୁ ମାନପତ୍ର, ଉପଢୌକନ ଓ ପୁଷ୍ପଗୁଛ ଦେଇ ସମ୍ବର୍ଦ୍ଧିତ କରିଥିଲେ। ହାଟଡିହି ବ୍ଲକ ବଞ୍ଚୋ ଗ୍ରାମରେ ଜନ୍ମିତ ରତିକାନ୍ତ ନିଜର ଧୀଶକ୍ତି, ସାଧୁତା, କର୍ତ୍ତବ୍ୟ ନିଷ୍ଠା ଦ୍ଵାରା ସୋପାନ ପରେ ସୋପାନକୁ ଅତିକ୍ରମ କରି ଆଜି ଜଣେ ସଫଳ ଉଦ୍ୟୋଗୀ ଭାବେ ନିଜକୁ ପ୍ରତିଷ୍ଠିତ କରାଇ ପାରିଛନ୍ତି । ବିଭିନ୍ନ ଶିଳ୍ପ ସହିତ ଜଡିତ ରହି ନିଜ ହାତ ତିଆରି ସାଇକୃପା ପ୍ରମୋର୍ଟସ୍ ଆଣ୍ଡ ବିଲଚରସ୍ ର ପରିଚାଳନା ନିର୍ଦେଶକ, ବର୍ଷା ଆଗ୍ରୋ ଇଣ୍ଡଷ୍ଟ୍ରିର ମଧ୍ୟ ନିର୍ଦ୍ଦେଶକ ରୂପେ କାର୍ଯ୍ୟରତ ଅଛନ୍ତି । ସମାଳର ପ୍ରଗତିପାଇଁ ନିଃସହାୟ ଦରୀଦ୍ର ବ୍ୟକ୍ତିମାନଙ୍କୁ ସହୋଯୋଗର ହାତ ବଢ଼ାଇଛନ୍ତି। ସେ ବିଭିନ୍ନ ଧାର୍ମିକ, ସାଂସ୍କୃତିକ ଅନୁଷ୍ଠାନରେ ନିଜକୁ ନିୟୋଜିତ କରି ଯଶସ୍ୱ ଅର୍ଜନ କରିଛନ୍ତି । ସେ ଏବେ ହାଟଡିହି ବ୍ଲକର ଉପାଧ୍ୟକ୍ଷ ଭାବେ କାର୍ଯ୍ୟରତ। ରତିକାନ୍ତଙ୍କୁ ଶାସ୍ତ୍ରୀଜୀ ସମ୍ମାନ-୨୦୨୫ ମିଳିବା ପରେ ହାଟଡିହି ଅଞ୍ଚଳର ବିଭିନ୍ନ ଅନୁଷ୍ଠାନ ଓ ବ୍ୟକ୍ତି ବିଶେଷ ତାଙ୍କୁ ଶୁଭେଚ୍ଛା ଜଣାଇଛନ୍ତି।