ଗେଡମା ସମବାୟ ସମତର ସାଧାରଣ ସଭା

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକର ଗେଡମା ସମବାୟ ସମିତି ଲିଂ ର ୨ୟ ବାର୍ଷିକ ସାଧାରଣ ସଭା ଗେଡମା ପଞ୍ଚାୟତ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଏସ. ଏ.ଆର.ସି.ଏସ ନିତ୍ୟାନନ୍ଦ ଦେହୁରୀଙ୍କ ସଭାପତିରେ ଡଅଁର ସମବାୟ ସମିତି ସଭାପତି ଅକ୍ଷୟ ଧଳ, ଗେଡମା ସରପଞ୍ଚ ସିଲାରାଣୀ କାଣ୍ଡି, ସମିତିର ସମ୍ପାଦକ ଉମାକାନ୍ତ ନାୟକ, ବରିଷ୍ଠ ସାମ୍ବାଦିକ ଦୟାନିଧି ଦାସ ପ୍ରମୁଖ ଉପସ୍ଥିତ ରହି ସଭାକାର୍ଯ୍ୟ ଶୁଭାରମ୍ଭ କରିଥିଲେ। ସମାଜସେବୀ ତଥା ସରପଞ୍ଚଙ୍କ ପ୍ରତିନିଧି ସୁରେନ୍ଦ୍ର କାଣ୍ଡି ମଞ୍ଚ ସଂଯୋଜନା କରିଥିଲେ। ଏହି ବୈଠକରେ ବହୁ ଚାଷି ସମିତିର ସଦସ୍ୟ ଉପସ୍ଥିତ ରହିଥିଲେ। ସରକାରଙ୍କର ବିଭିନ୍ନ ଯୋଜନା ସମ୍ପର୍କରେ ଆଲୋଚନା କରିବା ସହିତ ଚାଷିଙ୍କ ପାଇଁ କି କି ସୁବିଧା ରହିଛି ସେ ସମ୍ପର୍କରେ ଏସ ଏ ଆର. ସି. ଏସ ମତବ୍ୟକ୍ତି କରିଥିଲେ। ଏହି ସମୟରେ ବିନୋଦ ବେହେରା, ବିଦ୍ୟାଧର ଜେନା, ଭାଗିରଥି ବାରିକ୍, ପ୍ରଶାନ୍ତ କୁମାର ଦାସ, ମନୋରଞ୍ଜନ ଦାସ, ମାମାଲି ପ୍ରିୟଦର୍ଶିନି ମହାନ୍ତି, ରଶ୍ମି ରେଖା ମହାନ୍ତି, ଲକ୍ଷ୍ମୀ ପ୍ରିୟା ଦାସ, ଗଜେନ୍ଦ୍ର ଦାସଙ୍କ ସମେତ ବହୁ ଚାଷି ଉପସ୍ଥିତ ରହିଥିଲେ।