ସ୍ୱତନ୍ତ୍ର ଅଭିଯାନ ଦିବସରେ ବୁଥ୍ ପରିଦର୍ଶନ କଲେ ଅଧିକାରୀ
ବନ୍ତ, (ଚାନ୍ଦିନୀ ମହାନ୍ତି):ଗତ ଅକ୍ଟୋବର ୨୯ ଠାରୁ ଭୋଟର ତାଲିକା ସଂଶୋଧନ କାର୍ଯ୍ୟକ୍ରମ ଚାଲିଥିବା ବେଳେ ଆଜି ବନ୍ତ ବ୍ଲକରେ ସ୍ୱତନ୍ତ୍ର ଅଭିଯାନ ଦିବସରେ ସହକାରୀ ଭୋଟର ତାଲିକା ପଞ୍ଜୀକରଣ ଅଧିକାରୀ ତଥା ବିଡିଓ ପ୍ରଦୀପ କୁମା ର ସେଠୀ ବିଭିନ୍ନ ବୁଥ୍ ପରିଦର୍ଶନ କରି ସଂଶୋଧନ କାର୍ଯ୍ୟକୁ ତଦାରଖ କରିଥିବା ଜଣାଯାଇଛି । ଏହି ଅବସରରେ ବିଡିଓ ଶ୍ରୀ ସେଠୀ ନିଳୋକ ପଞ୍ଚାୟତ ଅଧିନ ଓଳମ ନୋଡାଲ ଉପ୍ରା ବିଦ୍ୟାଳୟର ୯୭ନଂ.ବୁଥ୍ ଓ ଛୟାଳସିଂହ ପଞ୍ଚାୟତ ଅଧିନ ଖଗେଶ୍ୱର ନୋଡାଲ ଉପା ବିଦ୍ୟାଳୟର ୮୦ନଂ.ବୁଥ୍ ପରିଦର୍ଶନ କରିଥିଲେ । ପ୍ରକାଶ ଥାଉକି, ବନ୍ତ ବ୍ଲକରେ ମୋଟ ୧୩୯ଟି ବୁଥ୍ ଥିବା ବେଳେ ବୁଥ୍ ସ୍ତରୀୟ ଅଧିକାରୀ ମାନଙ୍କ ଦ୍ୱାରା ଭୋଟର ତାଲିକା ସଂଶୋଧନ କାର୍ଯ୍ୟ ଚାଲୁ ରହିଛି । ଏହି କାର୍ଯ୍ୟ ନଭେମ୍ବର ୨୮ ପର୍ଯ୍ୟନ୍ତ ଚାଲିବ । ଏପରିପେକ୍ଷୀରେ ନଭେମ୍ବର ୨, ୧୦, ୧୬ ଓ ୨୪ ତାରିଖରେ ଭୋଟର ତାଲିକା ସଂଶୋଧନ କାର୍ଯ୍ୟକ୍ରମର ସ୍ୱତନ୍ତ୍ର ଅଭିଯାନ ଦିବସ ରହିଥିବା ଜଣାଯାଇଛି । ଏହି ଦିବସରେ ବୁଥ୍ ସ୍ତରୀୟ ଅଧିକାରୀ ମାନେ ବୁଥ୍ରେ ଉପସ୍ଥିିତ ରହି ଭୋଟର ତାଲିକା ସଂଶୋଧନ କାର୍ଯ୍ୟ କରୁଥିବା ଜଣାଯାଇଛି ।
