ଚୋରା ମହୁଲିମଦ ଜବତ, ୩ଗିରଫ

ହାଟଡିହି, (ବିକାଶ ବିଶ୍ୱାଳ ) : ପାର୍ବଣରେ ଚୋରା ମହୁଲିମଦ କାରବାର ଜୋରଦାର ହେଉଥିବା ବେଳେ ଜିଲ୍ଲା ଅବକାରୀ ଅଧିକ୍ଷକ ପ୍ରଦୀପ୍ତ କୁମାର ଦାସଙ୍କ ନିର୍ଦ୍ଦେଶକ୍ରମେ ମଙ୍ଗଳବାର ପୂର୍ବାହ୍ନରେ ହାଟଡ଼ିହୀ ଅବକାରୀ ଥାନାର ଭାରପ୍ରାପ୍ତ ଅଧିକାରୀ ସ୍ମିତା ବେହେରା, ଏଏସଆଇ ସୁଶାନ୍ତ କୁମାର ରାଉତ ଓ କନେଷ୍ଟବଳ ନିବେଦିତା ମାଝୀ ପ୍ରମୁଖ ସୋସୋ ଥାନା ଅନ୍ତର୍ଗତ ପୁରୁଣାପାଣି, ବୀଣାପାଟିଆ, ଟିଲଗଡ଼ିଆ ଆଦି ଅଞ୍ଚଳରେ ଚଢ଼ଉ କରି ୨୯ଶହ କିଲୋ ବେଆଇନ ମହୁଲପୋଚ ନଷ୍ଟ କରିବା ସହ ୩ଶହ ୨୬ଲିଟର ଦେଶୀ ରନ୍ଧା ମହୁଲିମଦ ଜବତ କରିଛନ୍ତି । ଏହି ଚୋରା ମହୁଲିମଦ କାରବାରରେ ସମ୍ପୃକ୍ତ ମାନ ମାଝୀ(୩୯), ଜଙ୍ଗା ଟୁଡୁ(୨୯) ଓ ବିକ୍ରମ ଟୁଡୁ(୨୮) ନାମକ ୩ଜଣ ଅଭିଯୁକ୍ତଙ୍କୁ ହାଟଡ଼ିହୀ ଅବକାରୀ ପୁଲିସ ଗିରଫ କରି କୋର୍ଟ ଚାଲାଣ କରିଥିବା ନେଇ ସୂଚନା ଦେଇଛି।